صباحكم غيث ورحمة مدخل..
مايزول الشكّ..الا باليقين!
احلف انك ما تحبّ الا انا؟
قبل اسافر كنت جالـس فـي زمـان الإنتظـار
ارتشف هم المكـان.. و كـل همـي حاجتيـن
كنت خايف من يبآس و كنت خايف من خضآر
كنت اخاف انك تجين و كنت خايف مـا تجيـن
لين شفتـك مـن ورا بيبـان صـالآت المطـآر
مقبله من كثر شوقك.. كنت اشوفك تركضيـن
مرةٍٍ ركضـك يميـن و نظـرة عيونـك يسـار
و مرةٍٍ ركضك يسـار و نظـرة عيونـك يميـن
تايهه ما كنـك الا ضحكـةٍ وسـط انكسـار
ساكتـه ماكنـك الا دمعـةٍ فيـهـا حنـيـن
خايفة وجلة حزينة يعني كنتي بأختصار
تشرحين لكل جاهل معنـى كلمـة ( عاشقيـن )
بعدهـا جيتـك ولـدّت عينـك و دار الـحـوار
من كفوفـي دمعتيـن و مـن كفوفـك دمعتيـن
كنت اصد و كنتي انتـي ثايـره مثـل الشـرار
ماعلى لتغة لسانك غير كلمة( وين ؟ ويـن ؟ )
واذكر اني رحت قبل ابـدي لـك ايّـة اعتـذار
رحت حتى قبل اطيّـب خاطـرك فـي كلمتيـن
لكن انتي عارفتني زيـن واللـي صـار صـار
سامحينـي واذكرينـي قـدّ مانتـي تقـدريـن
اذكريني لاانتهـت للشمـس رحلـه مـع نهـار
واذكرينـي لاصحـى للصبـح ورد الياسمـيـن
اذكرينـي واذكرينـي واذكرينـي..باختصـار؟
اذكري ضحكة حبيبك قـدّ منتـي تقدريـن !
قفلة..
الضيقة اللي تعترض بين الانفاس
يا ليتها مثلك,, عطتني ظهرها..!
دمتم طيبين
تستطيع المشاركة هنا والرد على الموضوع ومشاركة رأيك عبر حسابك في الفيس بوك