منتديات شمس الحب - عرض مشاركة واحدة - مشكلتي مع المؤجر ، والملقوف صاحب محل العقار (الوسيط) --- سألتكم بالله من الغلط عليه؟؟

لميسـ · منذ /10-29-2014, 09:08 AM

مشكلتي مع المؤجر ، والملقوف صاحب محل العقار (الوسيط) --- سألتكم بالله من الغلط عليه؟؟

هذا يا جماعة راعي الشقة (مالك الشقة)

دق علي يوم انتهى عقد الاجار
يقول سلم المفتاح للمكتب

وبصراحة راعي الشقة ، حبييييييب ومحترم واجودي والله العظيم

الحاصل
ان الشقة هذي معفوسة عقب النقل
يعني يحتاج تنظيف من إلى
خصوصاً ان الشقة مخفسه
يعني فيه فتحات خفيفه ما تنشاف
بين الدرايش وبين الابواب

ما تنسد إلا ببخاخ يطلع منه زي السفنج عشان يسده
بخيته ببخاخ السفنج اللي زي هذا

بحكم اني تضررت من اللي يدخله الهوى البارد ايام الشتا
والغبار ايام موسم الغبار
وسديت هالفتحات يوم كنت مستاجر

ويوم جيت ابطلع
الشقة صارت حوسة

قلت لراعي الشقة خلني انظفها
عطني يومين بس
رفض قال لا عادي يا رجال سلم المفتاح ، ولا تشيل هم الباقي

(خصوصاً ان الشقة فيها ريحة كريهه)
وهي ان الموية مكبوبة على المفروشات الأرضية ، يعني الشقة تحتاج إخراج كل اللوازم فيها
لأني كنت وقتها اغسل قطعة قطعة من بيتي قبل لا احطها بسيارة النقل..

الزبدة
عطيت المفتاح قبل امس للمكتب
دق علي امس المكتب يقول وش هالوصاخة وش هالقذارة

قلت له احترم نفسك وتأدب معي بالكلام
انا قايل لراعي الشقة انظفها وهو رفض

شوي الا وصل حدي ، واضطريت اسوي مكالمة جماعية مع راعي الشقة
دخلته معنا بالمكالمة الجماعية

قلت له ياراعي الشقة انت ما كنت رافض اني انظفها؟
قال راعي الشقة : إلا بس ما توصل لهالوصاخة ، انا شفتها وما توقعتها كذا
قلت : انا ولله الحمد نظيف والبيت قبل النقل نظيف بس اضطريت انظف الاغراض قبل النقل في نفس الشقة ثم اكمل باقي التنظيف على الشقة كاملة بحيث تكون الشغلة مرة وحده
قال راعي الشقة : والله انك تكرم بصراحة بس الشقة مرة وصخة
وراعي العقار الوقح يتدخل ويقول : انا لو ادري انك تسوي كذا ما اجرتك الشقة ، بصراحة وصاخه ، المهم يا راعي الشقة اتصل علي ابيك بمكالمة خاصة

وانقفلت المكالمة الجماعية

مع العلم ان من سكنت والمطبخ وصخااان
المنور تبع المطبخ كل ما يجي مطر ، ينقلب المنور مسبح
الدرايش حدودها يدخل منها الهوى البارد والغبار بشكل خفيف
لدرجة ان المستوصفات يعرفونا

الحين اسألكم بالله
من الغلط عليه

انا والا راعي العقار والا راعي الشقة؟؟؟

الموضوع الأصلي: مشكلتي مع المؤجر ، والملقوف صاحب محل العقار (الوسيط) --- سألتكم بالله من الغلط عليه؟؟ || الكاتب: لميسـ || المصدر: منتديات

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

المصدر: منتديات شمس الحب - من قسم: سلة المحذوفات والمواضيع المكررة

la;gjd lu hglc[v K ,hglgr,t whpf lpg hgurhv (hg,sd') --- sHgj;l fhggi lk hgyg' ugdi??