السلام عليكم يااخوان هالموضوع لقيته بمنتدى قريب من هنا ويعلم الله انهم كسروا خاطري واسالكم بالله من ادارة ومشرفين ان تخلون الموضوع يمكن نكون سبب في رزق هذه العائلة التي لايوجد لديهم رجل واقسم بالله العظيم انه لايربطني بهم اي مصلحه
يااهل الخير اسالكم بالله تفزعون لهالعائلة

....................

ادارة الموقع ارجوكم ثم ارجوكم لاتشيلو اسمي وموضوعي والله انتو ماتدرو الحالة الي انها فيها

وتذكرو قول الرسول عليه الصلاة والسلام ( ان لله عبادا اختصهم لقضاء حوائج الناس وحببهم فى الخير وحبب الخير اليهم ) يارب تكونو منهم


بسم الله الرحمن الرحيم



قال الرسول عليه الصلاة والسلام ( والصدقة تطفىء الخطيئة كما تطفىء الماء النار )

فمن منا ليس لديه خطيئة !!!


اخواني واخواتي يمكن البعض منكم يعرفني او سمع عني وممكن البعض يقول انتي الى الان وضعك كذا

احب اقوله قول ( الحمد لله الذي عافاني مما ابتلاها به وفضلني على كثيرأ من خلقه تفضيلاً )


يااخوان نحنا عائلة انا واختي المطلقة وعندها 4 عيال من زوجها الى تخلى عنهم بشكل نهائي وترك لها عيالها وانا وهي والعيال كنا ساكنين في بيت ايجار في الحي الى عشنا فيه طول عمرنا ولما توفي مالكه الى كان يعرف ابوي وامي الله يرحمهم عياله الورثة طلبو منها اخلاء المنزل ووصل الموضوع للمحكمه والامارة والشرطة وطلعونا من البيت خلال شهر واحد فقط وماراعو عشرة العمر ( وعندنا كل الاوراق المثبته للحالة ) طبعاً هالكلام قبل 6 شهور ونقلنا بيت في شرق الرياض بإيجار 18 الف ريال سنوياً وهذا ارخص شي لقيناه بمكان كويس للعيال ومافي مشاكل وقدام مسجد عشان نضمن انفسنا ،

الايجار بيحل علينا بعد 20 يوم والله وماقدرنا نجمع ولاشي ونطلب العون من اهل الخير ( كل 6 شهور يطلب مننا 9 الالف ريال ايجار ) الضمان الاجتماعي الله يجزاهم خير الى يحولوه لنا 1714 ريال وانتم تعرفون الله يجزاكم خير انه مبلغ جدا قليل هالوقت ونحنا 6 افراد ، وجمعيات الخير الله يجزاهم خير كل الى يساعدونا في كل 3 او 4 شهور مقاضي ماتكفي حق شهر والباقي مدري فين يودوه ، وكثير من اهل الخير التجار كانو يساعدونا دائماً لكن الان لما نروح لهم يقولنا مدير مكتبهم انه الشيخ اوقف المساعدات للداخل وصار يساعد اهل سوريا الله يساعدهم يارب


وحنا والله ثم والله ثم والله من اهل الحاجه وبرفق لكم اوراقنا ( بدون الاسماء ) وبرفق لكم تزكيه الشيخ صالح السدلان لحالتنا

والي يبغى الاوراق الاصل من اوراقنا او حقت المحكمه او الشرطة او اي شي او يبغى يتأكد من وضعنا الله يحيه انا حطيت رقمي وفيبو واتسب والي يبغى يتصل يتصل لكن اساله بالله العلي العظيم انه يكون صادق في مساعدتنا ومايبغى زواج او تعارف لانه والله لا انا ولا اختي نبغى زواج ، نبغى نعيش والحمد لله على كل حال ارجوكم بدون زواج او ازعاج والله حررام

انا حطيت هنا الاوراق الى صارت لي مشاكل اول بسبب الايجار والتأخير والطرد من البيت والي يبغى الاصل وصورة اثباتات اختي وتزكيات العلماء والمسجد لها وصك طلاقها وكل شي يبشر يراسلني وارسلو هيا


وهذا رقم حسابي في الراجحي



وانا والله والله والله واقسم لكم بعزة وجلال الله والى رفع سبع انا صادقه في كل كلمه قلتها ومااكذب عليكم ولا انصب عليكم والحاجة والله حواجه .. الله لا يحطك مكاني

محتاجه للدعاء اولاً ومساعدتكم ثانياً


وياناس ياامة محمد والله ماابغى الزواج اكثر من 50 واحد عارض نفسو للزواج يااناس ماابغى الزواج ليش نظرتكم دائماً للمراة انها للزواج بس ارحموني الله يرحمكم ويعزكم يارب

الموضوع الأصلي: يااهل القلوب الرحيمه تكفون افزعوا لأختكم || الكاتب: لميسـ || المصدر: منتديات

المصدر: منتديات شمس الحب - من قسم: سلة المحذوفات والمواضيع المكررة