القصة ومافيها ونا جاي من مكة المكرمة وجهي على
القصيم قلت امر زميللي بحد محافظات
القصيم اسلم عليه
اتصلت عليه بعد الظهر بشوين قلت اكيد انه صاحي لمار جواله مقفل !!!!
بسم الله قلت هالناس مايصلون ؟؟؟
وبعد ساعتين تقريبا لاهو يدق علي
وانا افوع بوووه قلت انت نضرب بكم المثل بالدين واخرتها توك تقوم للصلاة؟؟
قال استغفر !! قلت استغفر الله قال انا توي مصلي الظهر الساعه 3 بالجماعه بالمسجد
قال لاجيت اعلمك !!!
الوكاد جيته وماقصر افطرنا قال عاد الصلاه تعال اوديك المسجد اللي صليت به الظهر
جينا المسجد وقبل ندخل وثاري هاك الاعلان عند الباب مكتوب (هذا المسجد تقام فيه
صلاة التبريد )اومدري الابراد الاكيد اني صورت الاعلان وحاول انزله لكم
عاد سولفنا وعلمني بالقصه قال عندنا بهالمحافظه مسجدين او ثلاث تطبق هذي الصلاه وعطاني احاديث ونا بقلبي منا مقتنع بكلامه
يقول ان هالمسجدين لايقيمون
صلاة الظهر الا قبل
صلاة العصر بثلث ساعه يصلون الظهر وعلى مايخلصون من الظهر يمكن عشر دقايق يصقعون اذان العصر ويصلون وبذلك يستفيد الشباب اللي ينامون من
صلاة الجماعه
وقالي باكر اخليك تصلي معهم وتشوف الزحمه لكني مشيت بالليل وهربت بديني الى حائل
تستطيع المشاركة هنا والرد على الموضوع ومشاركة رأيك عبر حسابك في الفيس بوك