 منذ /09-21-2015, 05:02 PM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  رفضوه وتزوج تركية وانقهروا بنات الاقارب
السلام عليكم ورحمه الله وبركاته
هذة مشكله العنوسه في مجتمعنا
اصبح رب الاسرة وربه الاسرة ما يرضون يزوجون بنتهم الا لشخص كاش في عمله رغم خلقه ودينه
وصاحب وظيفه مرموقه اما وظيفه عاديه هاااا لا البنت بتكمل دراسته يعني سيفون افهمها
ليس الجميع بل البعض منهم وخاصه في هذا الجيل
حدثني احد الاصحاب وهو من سكان الرياض عرفني على واحد وهو من اقرب الناس له ورفيق الدراسه
وطلع الاخ رجل خلوق من كلامه دخان ما يدخن وجميل الشخصيه والمظهر
وكلامه شخص رزه حتى يوم اذن قال يلا شباب صلاة
بعد ما ذهب يحدثني خوي على هذا الشخص والله اعلم صادق او لا
يقول هالرجال طيب القلب يقول قبل عامين رفصوه عمه وخاله والاقارب يوم بغى يخطب
بسبب انه يشتغل في وظيفه عاديه بدون ذكر اسم الوظيفه
لانه في بعض اخواننا هنا يشتغلون في هذا العمل الشريف
المهم يقول راتبه يمكن ما يصفاله الا 4 الف ريال مع الخصم التامينات
والرجال يحب يعمل حتى بالعمل الجزئي يطلع بعد العصر ويشتغل في احد الاسواق
ويطلع فوق راتبه حول الفين ريال
المهم الرجال جمع المهر وقال بتزوج وابستر نفسي
رفضوه جميع الاقارب اللي امه حطت عينها عليه
المهم تعب وهو يبحث في 4 شهور وشال فكرة الزواج من راسه
الا يجي اليوم ويقرر يسافر مع امه واحدا خواته لتركيا
وكان وقتها يعرف احد الاتراك بالسعودية وتواصل معه وهو كان بتركيا وقته
وما قصر ساعده في تركيا في طلعاته وعزموه في بيت أهلة
وسبحان الله يقولي دخل البيت مع امه الا ستحى وهو يشاهد
ام التركي وخواتها يرحبون فيه ويقولي كل واحد تقول الزين فيني
الرجال استحى وطلع بمكان ثاني
وجت امه بعد العزيمه تقول بمزح وش رايك في بنت التركيه نخطبها لك
وهو يحسب تمزح امه وتقول امه والله ام التركي خويك دخلت قلبي مع انه
اكثر هرجها مادري وش تقول لكن واضح عليها ترحب فيني
وكل شوي اسمع مكه وانا زرت مكه مع ان خويه في البدايه ترجم بعض الكلامات
يقول جلست افكر بالموضوع كيف اتأقلم وهي اجنبيه واللهجه صعبه
مع انها من أهل السنه وابو البنت متوفي كان امام مسجد في هذا الحي
ومشهور لدى الحي
المهم الاخ جلس يفكر بالموضوع وجلس يتابع مسلسلات وفهم تركي
ومن اليوتوب ومن خويه اللي يشتغل في احد الشركات بالسعودية
المهم عزم انه يخطبها بعد ما رفضوه اقاربه
وخاصه فتحت امه الموضوع مع أهله البنت وعلم اخوه البنت بالموضوع
وكان سعيد بهذا الخبر انه يشوف اخته بالسعودية
لكن المشكله الاكبر وهي اجراءات الزواج هنا
جلس تقريباً 5 شهور واكثر لأجل استخراج تصريح زواج من اجنبيه
وجاب لهم ان كم عايله رفضوه واسباب زواجه من الخارج
اجراءات معقدة وكان يفكر ان يلغي فكرة الزواج من التعقيدات
ورح يمين وشمال
المهم راح وخطب البنت وعمل حفله بسيطه في تركيا مع اهلة
ويوم رجع للسعودية معها عمل حفل عائليه وعزم جميع اقاربه اللي رفضوه بالتحديد
وبعد ما شاهدوا الاقارب البنت انجنوا عليها على كلام خوات العريس
لانه يسمعون منهم هذة تشبه الفنانه التركيه وكل واحد تشوف نزغات العيون عليها وينظرونها بنظرة الحسد والغيرة
الا بعد يومين تتصل ام احد الاقارب على ام المعرس
الا وش تقول " ليش ماخذين التركيه هذة كان صبرتوا كانت البنت تفكر "
الا عرف الرجال ان بنت القريب منجنه على مرتي انه جميله وتركيه
وخايفه تعنس بنتها اللي وصل عمرها 28 ولاتزوجت حتى الان
ويقول رفضتني بالبدايه عشان عملي الشريف وقله راتبي
ولا تعلم ان الله يرزق الفقراء من حيث لايحتسب
وشفه معنا بالاستراحه وعايش حياته وجالس يكمل دراسته عبر التعليم عن بعد
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |