السلام عليكم
البارح رجعت من دبي ومعاي سيارتي جراند ماركيز كنت اعبيها 91 في السعودية واشتكي من تفتفه ويطلع صوت زي القرقرة في المحرك وكنت اوقف على جنب وافصل سلك من اسلاك البخاخات وارجع اركبه كنت احسب انه هو المشكلة ماكنت ادري اني بهذي الحركة اسوي برمجة تلقائية للمحرك بدون ماادري .. والحمد لله ربنا ستر ومااحترق شيء من كثر ماافصل سلك البخاخ كل ماحسيت ان فيه تفتفه ..
المهم عبيت
بنزين 91 من اخر محطة على الحدود اللي هي محطة سحاب في البطحاء وتليتها لدبي وحسيت بتفتفه وكالعادة وقفت على جنب وفصلت السلك وركبته بسرعة وكملت طريقي ..
مشيت لين وصلت دبي والبنزين على الربع وقفت في محطة ادنوك وعبيت
بنزين خصوصي اللي هو 95 لان ماعندهم 91 الا في ابو ظبي ..
وصرت اتمشى في دبي واعبي 95 طبعا تعبئة الفورد اذا كان البنزين فيه الربع ب 110 درهم البنزين عندهم غاااالي ..
اللي حصل
ياجماعة والله العظيم ماتفتفت السيارة وصار عزمها اقوى وتغيرت سواقتها وصارت انشط بكثيييييييييييير ..
جلست في دبي 13 يوم تقريبا ، والله مااشتكيت من اي مشكلة من المشاكل اللي كنت اشتكي منها لما كنت اعبي 91
رجعت البارح والسيارة ماشاء الله تبارك الله وعبيت 95 وكرهت 91 وماراح اعبي 91 مهما حصل لان سبب لي مشاكل لاتعد ولاتحصى في الفترة الماضية ..
فنصيحتي لكم من اخ مذهول ومقهور بنفس الوقت ، غيروا الى 95 وترى الفرق بسيط ..
تستطيع المشاركة هنا والرد على الموضوع ومشاركة رأيك عبر حسابك في الفيس بوك