يا اخوان انا مقهور ومغبون من حركة قذرةمن بنك ساب الله يلعنه من بنك مخيس تمرمطت 4 ساعات رحت لفرعين عشان اجدد الصرافة قالوا لي مكينة الصرافات عطلانه !!؟ قالوا لي روح لفرع دلوني عليه مع انه بعيد وفي الظهر والشوارع زحمه ومستاذن من العمل والمشكلة فلوسي بالحساب ومحتاجها رحت للفرع وانتظرت قرابة ساعة وما فيه الا موظف واحد يخدم العملاء ويوم جاء دوري قالي أرسلنا الصرافة على حسابك بالبريد السعودي وقلت له من سمح لكم ترسلونها
للبريد وقالي ما اعرف .. قلت له ابيك الحين تصدر لي بطاقة صرافة جديدة قال ما اقدر لازم تراجع صندوق البريد السعودي وإذا مب موجودة تتصل على خدمة العملاء للبنك وتطلب إلغاء وإصدار بطاقة جديدة وانا بصراحة انفعلت وقلت له وين مكتب مدير الفرع وكان فاضي ودخلت عنده وقلت له القصة كاملة وقالي ما اقدر أفيدك أعطاني رقم الدعم الفني وخدمة العملاء وقالي تفاهم معاهم و دقيت عليهم قالوا لي نفس الكلام عزيزي
العميل تم ارسال بطاقة الصرافة ع حسابك بالبريد السعودي ...
المشكلة بريدي ما فعلته من 7 سنوات ومكان البريد بعيد عن بيتي وعملي .. والبنك كيف
يرسل صرافتي للبريد بدون إذن
العميل طيب لو مثلا
العميل ساكن خارج مدينته ومحتاج للفلوس وش يسوي ؟
بصراحة بهذله الله ياخذه من بنك ؟
تستطيع المشاركة هنا والرد على الموضوع ومشاركة رأيك عبر حسابك في الفيس بوك