السلام عليكم ورحمة الله وبركاته
كل مرة انزل موضوع هنا وبعد وقت اطلب حذفه من المشرف وما يحذفه الا بعد طلوع الروح..
الواحد وين يروح بعد الله إذا ماله إلا هالعالم المجهول يطلع فيه اللي مضايقه..
يارب سامحني ولا تجعل كلامي شاهد عليّ.. يارب اللي بداخل الروح عجزت اتحمله...
كل أب هنا لا تظلم أولادك.. لا تظلم أولادك.. لا تنام في بالك قرير العين و أنت ظالم عيالك..
أي حياة كريمة وفرها لنا وهو حصل راتب تقاعد كبير وبلخ علينا ببيت كبير وبسبب دعاؤه علينا جالسين عنده ما احد تزوج؟ و أمورنا معطلة وحياتنا بكبرها واقفة..
صرنا نتفشل من أي أحد يزورونا البيت لأنه ما يشرف..
حتى بوظيفتي هذه ما اطلع معاهم تجمعاتهم لأجل ما تجئ واحده تقولي يا فلانة اليوم الجمعة عندك.. وش بقولها؟ ما ابغاكم؟ ولا بيتنا ما يشرف؟
راتبي كله يروح قرض واستقطاع لأجل جالسين نبني بيت؟؟ مو مفروض أبوي الا يبني مو مفروض يوفر لنا حياة كريمة من مسكن ومشرب وملبس وكله..
وش نظرتي لأبوي وهو كان حارمنا حتى من الأكل وما يجيب الا الأكل اللي يحبه هو..
كان كل واحدة تلبس من أختها اللي أكبر منها.. لو ودك تشتركين لنفسك أي شئ من البقالة تجمعين ريال على ريال حتى تشترينه حتى لو بعد شهر إن شاء الله
تستطيع المشاركة هنا والرد على الموضوع ومشاركة رأيك عبر حسابك في الفيس بوك