قصيده يازمان المصالح للشاعر خلف الغريقان
يازمان
المصالح وش حصل للخلايق
ليه مابه بشر تحمل قلوبن نقيه
لابغوا شي مني يركضون بدقايق
وان قضى حاجته ينساني اني خويه
طيبتي واضحه لكن وين الحقايق
وش حصل للعرب ليه
المصالح خفيه
مالقيت اللي يعطي بليا وثايق
خدمته ناقصه والخلق ماهي سويه
راح وقت المنافع وجاك وقت المضايق
تبتلش بالحسد وأهل النفوس الرديه
كل شين تغير حولنا جاه عايق
وين أبلقى خوين سايقته الحميه
قدم وجهي ضحك ولااقفيت للسد بايق
يطعنك بالظهر وايديه دايم سطيه
الله أكبر ياكيف البال ماهوب رايق
صارت النفس تتعب لو تقدم شكيه
مير انا ويش ابي والبحث ماهو بلايق
جعل وقتي يجود بشي صادق مجيه
يوم درب الصداقه صار كله عوايق
وش ابي بالتعب مادام نفسي قويه
تستطيع المشاركة هنا والرد على الموضوع ومشاركة رأيك عبر حسابك في الفيس بوك