السلام عليكم ورحمة الله وبركاتة
اقسم لكم بالله ان كل اللي راح تقرونه صحيح
احد اقاربي عاطل باطل عمره فوق 40
كلمني قبل فترة قال بطلع جوال باسمك
وطلعت له
تفاجئت ان عليه مديونية وسددتها لاني اعرف وضعه المادي وصارت الشريحة معي
واستغربت انه مطنش رقمه قلت لايكون فيه شي
طلع الرجل عليه ديون ووصل الى مرحلة اليأس
الى درجة انه يجلس في بيته بس من المسجد الى البيت يقول وين اروح وانا كل ماطقيتها عوجا !
عنده عائلة مكونه من 8 اطفال وزوجة
وزيادة على هذا كله عليه فواتير وديون وحالته مايعلم بها الا ربي
قلت له طيب ليه ماتكلم جماعتنا يقطون لك ويساعدونك قال مستحيل اذل نفسي لاحد
انا وانا موظف احس ان راتبي مايكفيني كيف بشخص عاطل ويعول عائلة!
عندي دوام بكرة وعجزت ارقد افكر فيه وافكر في وضعه وش بيصير بعدين ولا بيدي حيلة سوى راتبي اللي ماينتصف الشهر الا وهو منتهي
لذالك قلت بطرح قصته بهوامير البورصة
ممكن نحصل شخص يساعدة بوظيفة يستر على نفسه وعلى عياله فيها
موهلة ثانوي
ساكن في محافظة الرس
تكفون من يعرف له شخص متنفذ بالدولة يساعدة باي وظيفة
المهم يستر على نفسه وعلى عيالة ولا يبقى بهالوضع
وتذكرو ان من فرج كربة مسلم فرج الله عليه كربة من كرب يوم القيامة
تستطيع المشاركة هنا والرد على الموضوع ومشاركة رأيك عبر حسابك في الفيس بوك