السلام عليكم وعيدكم مبارك وكل عام وأنتم بخير
اخواني فيه قريب لي زارني وهو الله معطيه من خيره وموسع عليه الله يزيده من فضله وانا مستاجر ومعفوس مع الايجارات وكلمته يساعدني في شراء منزل وما كان عنده مانع انه يساعدني في ان امتلك منزل وفزعته لوجه الله بدون مقابل اسدده مبلغه اقساط سنوية بس قال الحي هذا غالي ولا ودي اثقل على الرجال ينسحب هو جاد وراح يوقف معاي بس ما ادري كم المبلغ اللي ممكن يشتري فيه الفيلا او بالأصح رايح يدعمني فيه مليون اكثر اقل لا اعلم
على العموم رايح اقدم له
فيلا لقيتها في الحي مساحتها 465
فيلا درج داخلي وشقتين طبعا الدور الارضي ملحق ومجلس ومقلط وصالة ومطبخ وغرفة كبار سن بحمامها ومجلس حريم ودرج بالصالة يوصل لدور العلوي اللي فيه 3 غرف نوم واحدة ماستر وثنتين بينهم حمام اكرمكم الله وفوق في الدور الثالث غرفة شغالة بحمامها
وطبعا" هناك شقتين بالدور الثاني كل شقة 5 غرف وصالة الشقق كبار ومؤجرة الثنتين من 20 الف
صاحبها ماخذها عن طريق بنك وعارضها ب مليون و350 الف
فقلت احتمال صاحبنا يتغالاها فصرت افكر في شراء ارض 450 متر قيمتها تقريبا من 350 الف الى 400 الف وأبني عليها
فيلا دورين ومشب خارجي سكن بدون شقق بس استقبال تحت مع غرفتين نوم وحدة لكبار السن وحدة للضيوف وفوق 4 غرف نوم وسطح
السؤال هنا يا أهل الخبرة في البناء كم بيكلف بناء الفيلا وهل هو اوفر من شراء الفيلا اللي ذكرتها فوق
انا محتار هل البناء افضل لي ام شراء تلك الفيلا الجاهزة خاصة ان بها شقتان كبار 5 غرف وصالة ودخلها 40 الف سنوي
شوروا علي بارك الله فيكم محتاج وقفتكم ونصيحتكم لا عدمتكم
تستطيع المشاركة هنا والرد على الموضوع ومشاركة رأيك عبر حسابك في الفيس بوك