السلام عليكم
عارف اكثركم كل همه يعرف شلون
برخيص عموما هي فكره جات في راسي واود ان اخذ رايكم فيها
وهي ان اشتري سياره جديده بنظام التاجير ولا اقدم لهم الا 30 الف ريال مقدم والباقي اقساط ومؤخر واكدها كد لمده سنتين او ثلاث سنين واحذفها في وجيههم واخذ سياره ثانيه اصفار جديده
اكيد بتقولون لي القيمه الاجماليه غاليه اقولكم انا ما راح ادفعها انا بدفع المقدم واجار السنتين او الثلاث بسسسس
بنضرب مثال
لو المقدم 30 الف
القسط 3500 لمده ثلاث سنوات بيصير دفعت 156 الف
الاجمالي 196 الف خلوها 200 اسهل في الحساب
السعر هذا شامل تامين شامل للمركبه وتجديد وفحص المركبه لثلاث سنوات يعني مايقارب تقريبا 30 الف ريال
يعني تكلفه السياره الفعليه علي 170 الف ريال راكب سياره جديده بقراطيسها لاتعرف طريق الصناعيه مؤمنه شامل لك وعليك يعني مرتاح لاتشيل همها ابد
الان خلونا نحسبها من جهه اخرى الاخوان اللي يقولون نبي نوفر ويحبون الفلوس بدون تفكير
بنشتري السياره ب 300 الف
بنؤمنها ب 30 الف ريال شااامل ادري اكثركم بيقول نبي ضد الغير
بتطلع قيمه السياره علي 330 الف ريال لمده ثلاث سنوات بدون حساب قيمه الصيانه الدوريه
بعد ثلاث سنوات لو جيت ابيعها ببيعها ب 200 الف ريال يعني خسرت 130 الف ريال
فلو قارنا المثال الاول والثاني وجدنا الثاني اوفر فقط ب 40 الف ريال
لكن الاول مرتاااح ولايشيل هم ابد الثاني لو سمكره بسيطه او حكه بسيطه كسروا الشريطيه قيمه سيارته واحتمال ينزلونها اكثر بينما الاول مايهمه يقطها في وجيههم قط وياخذ جديده
وشرايكم عطوني خبرتكم ونصيحتكم
تستطيع المشاركة هنا والرد على الموضوع ومشاركة رأيك عبر حسابك في الفيس بوك