 منذ /09-13-2016, 01:14 AM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  نصيحه للمدخنين ابعدوا عن التدخين عشان عيالك ... موقف اثر علي اليوم .!
السلام عليكم ورحمه الله وبركاته
اكيد موضوعي سوف يزعج بعض المدخنين لكن اذا يزعلك لا تقرأ الموضوع واطلع
ترا موب لازم ترد بالموضوع او تفرض كلامك ان اللي تسويه صح وعادي وطبيعي
لكن والله نصيحه لك لا اكثر تقبلتها ما تقبلتها بكيفك
اليوم كنت مع الوالد في زيارة لاحدى المستشفيات بالخبر لزيارة احد المرضى في العناية
واحنا جالسين عند الرجال الا نسمع بالسرير اللي بجانبه صوت واحد مبحوح صوته واحس انه يتعب وهو يقول كلمتين وراه بعض
الا عرفنا انه مريض بالسرطان في الرئة وتوه صغير والسبب تدخين
حتى مريضنا يقول اشوف حالتي اقول احمد الله على كل شي واني بصحه ما يعلم فيها الا الله والحمدلله
وانا طالع شوي بالممر الا اشوف من ستارة المريض شكله عنده زوجته وفي بنتين صغار عندة يمكن اعمارهم حول 10 وتحت
في مشهد لن انساه ما حيت شفت بنته متأثرة في صوته وهو يتكلم تطالع فيه وهي مصدومه حسيت ودها تبكي وماسكه دموعها وكل ما تكلم تغمض عيونها
شي ما اقدر اوصفلكم المشهد بالضبط
قلت الحمدلله على كل شي ناس في اعياد ومستانسه ومع اهلهم وربعهم
وناس بالمستشفيات عيدهم ومع ابائهم ولا زوجاتهم او عيالهم
نصيحه اخواني المدخنين ادري ان المرض مكتوب من الله لكن الوقاية خير من العلاج
والمرض ماله وقت معين يمكن بكرا وانت بشبابك ولا وانت شايب يصيبك
لكن وقتها بتتمنى ان مادخنت طول عمرك اللي فات وتجلس تتحسف
حاول تبعد نفسكم عن الدخان وترتاح نفسياً وصحياً موب عشانك فقط بل عشان عيالك بكراً
اللي تأثروا بحالتك ولا يعلمون انت معهم بكرا ولا يتيتمون وهم صغار
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |