 منذ /09-16-2016, 01:21 AM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  وش اخرتها مع عيال النعمة اما ينطقون هنا ولا يتفاخرون بسياراتهم بالخارج .!
السلام عليكم ورحمه الله وبركاته
انا ملاحظ ان بعض عيال النعمة والتجار وخاصه اللي يجيك منهم وجهه ابيض يلق بياض
والسبب طبعاً ما يطلع بالشموس ولا يشتغل من الصبح وابوه يصرف عليه
وتحصله في شهور الصيف طالع لندن ولا في باريس هذا اغلبهم كذا وانا الاحظهم
قبل شوي كنت في الخبر في احد الشوارع الا يجي واحد راعي جيب مرسيدس ويكبس تكبيس على واحد راعي سوناتا اللي تشوفه تقول بيطير
الا شوي راعي سوناتا يطلع واحد من عيال البلد الاصل ههههههههه
ويطلع من سيارته وخذلك تكفيخ في راعي المرسيدس وهذاك بلع العافية
طلع مسوي فيها انا القوي الا طلع وفقع وجهه راعي السوناتا وانحاش راعي المرسيدس وركب سيارته ومشى وجلس يلعن وهو ماشي وهذا اللي قدر عليه هههههههههه
بعض عيال النعمة احس انهم دبش وعقلياتهم ضعيفة وتربيتهم لكم عليها
وفاهمين ان البلد ما يمشي الا على نظامهم
صح كلهم غلطانين لكن الحالات ما نشوفها الا من اصحاب السيارات الفارهه
يحسب الشارع شارع ابوه ويجلس يكبس على كيفه
ولا النقطة الثانية اللي يعرضون سياراتهم بالخارج بلوح سعودي وخاصه في دبي ولندن وش يحسون فيه
يعني شاحن السيارة حول 30 الف عشان تعرضها للناس هناك وش تحس فيه
صدق انه يقولون اللي يسوي كذا يعاني من النقص ولا يملي النقص اللي فيه الا بعرضه لسياراته بالشوارع هناك
مثل ما انت ناقصك فلوس الايجار وشايل هم ولا مصاريف الحياة
هذا همه كيف يستعرض سيارته عند الناس وكيف يكون افضل من غيرة
شي غريب بصراحه المشكله موب سيارات من موديلات مرسيدس بل بسيارات اكبر من مرسيدس من لامبريني وبوجاتي اي اسعار سيارات توصل الى 10 مليون ريال :hawamer3612
والله عيال النعمة نقمة على البلد ومعطين صورة ان السعوديين متغنين وعايشين احلى عيشه مع انه الواقع يقول عكس
والمصيبه اذا طلعت انت المسكين للخارج للسياحه جلدوك بالسعر من مطاعم ومحلات وتكاسي يوم عرفوا انك سعودي واذا قلت شي قالوا انت امير انت سعودي واجد فلوس 
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |