السلام عليكم
قبل اسبوعين تقريبا لاحظت كثرة
الناس اللي بالشارع تطلب
توصيل بالسياره وهي واقفه على جنب الطريق
جتني مرتين شفت حرمة كبيره في السن تأشر بيدها وبصراحة كان في منطقة داخلية واحس نفسي تأسفت اني ماوقفت ليها والثانية حرمة ثانية ونفس الشي ماوقفت وغيرها من الوافدين مرة او مرتين
اليوم الصباح كنت اول واحد اوقف عند الاشارة ووقفت في الوسط وكان فيه شايب مثل سالفة اللي فوق جا لي وطلب مني اوصله الى سوق شعبي في منطقتنا يبعد عنا تقريبا 5 او 6 كيلو.. وقلت له انا مو رايح هناك انا باخد يمين قبل السوق.. قال لي وقفني عن الاشارة قداام.. الزبدة ركبته وخلال الطريق تكلم انه محتاج وعنده اولاد وزوجته في المستشفى..الخ
الزبدة يبغى اتصدق له.. وسبحان الله ماطلب الا المبلغ الي في جيبي وهو 200 ريال؟؟ ماعندي الا هي و20 ريال بصراحة انقهرت جدا من هذا الاسلوب وانا اول مرة اشوف محتاج-ان كان محتاج فعلا- يطلب مبلغ معين وكبير بالنسبة لي.. وقفت على جنب بعد مامشينا حتى 500 متر وطلعت 20 ريال وكان يحاول وياي وقلت انا ما اقدر ولا كان عطيتك ومن هذا الكلام وقال لو 50 ريال وهو يصيح لكن ماطلعت شي غير العشرين.. اخدها ونزل من السيارة
بصراحة انقهرت جدا من طريقته ان يطلب مبلغ معين وحتى لو كان فعلا محتاج
لولا الفرق عمر بيني وبينه-عمري 19 وهو عمره فوق 60 بالراحة- لكان نزلته من السياره بدون ماعطيه ولا عشرة هللات معدنية
وش رايكم وهل من السليم
توصيل شخص مجهول حتى لو مكان قريب وبالنسبة لشخص بعمري ؟ ما اخفي عليكم اني كنت خايف جدا جدا من اول ثانية جا لي وحتى لما نزل من السياره.. انا اصلا كنت برفع النافذة وبدون لا اسمع ولا حرف منه لكن بسبب كبر سنه تعاطفت وياه وصار اللي صار
تستطيع المشاركة هنا والرد على الموضوع ومشاركة رأيك عبر حسابك في الفيس بوك