السلام عليكم ورحمة الله وبركاته
اليوم بعد المدارس اخذت ابنائي للمستشفي لاخذ بخار
وانا متجه مع طريق الامير فيصل بن فهد غربا وقبل اشارة لكزس طلعت قدامي شاحنة ديانا
محمله باسياخ حديد مسلح سكراب مقصص وكانت بدون غطاء يمنعه من السقوط في حالة حدوث حادث لاسمح الله وقفتنا الاشارة وكان في مسار واتجاه يمين وانا رايح يسار وكنت اقول لابنائي ثالث واول ابتدائي
ان هذا خطر على الناس
وان الواجب علينا عدم السكوت وان شاء الله واحد يوقفه ويحاسبه
فتحت الاشاره ودخل في م س اري ولحقته
وقفته على جنب طلبت الرخصة قالي من انت قلت الحين اعلمك من انا كان شاب متهور باين عليه وخويه اهدا منه وركده قلت اركب وخلك في السياره قام يتطلبني خويه
قلت ليش ماغطيت الحديد بالشراع ونزلوا الشراع وغطوه جيت اصور اللوحه طلع في وجهي السواق وحال بيني وبين للوحه قلت لولدي خذ الجوال وصور و مسكه خويه
وابعده
اتصلت على الشرطه
وبلغتهم بالوضع
وكان العسكري لطيف معي وخايف علي لاتهور واستخدم العنف وقال الكلمه المعهوده عندنا
يوم قلت محمل حديد قال ( بس )
قال كلم المرور قلت انا مواطن وكلمتك انت عسكري كلم وهذا رقم اللوحه
اخذ الموقع مقابل مجمع الظهران شرق
وانتضرنا فتره ماجاء احد وكلموا واحد يمكن الكفيل وقال لهم صوروا اللوحه يقصد لوحة سيارتي وصوروها ومشوا واسمعهم يتكلمون ماقدرت اثبت كلامهم من اصوات السيارات
طبعا مشيت انا
علمت اولادي ان الواحد اذا شاف غلط يشارك في تغيرره بالطرق القانونيه ولا يستخدم العنف لا باليد ولا بالكلام
ولا يقول غيري بيغير انا مالي دخل
وان كل واحد عليه واجب
تجاه وطنه
هل انا غلطان في شي
هل ربيت اولادي على استخدام العنف
هل اخطيت يوم قلت لابنائي انه فيه جهات مسؤله اتصل بهم وهم يقومون بعملهم وتنتهي مهمتك ولا تنتضر شكر لان هذا واجب
وطني
وانا الان انتضر اتصال من صاحبهم اللي كلموه بيطلع كل معلوماتي عن طريق لوحة السياره او اتصال من غيره مدري وش بيسوون فيني وش بيلفقون لي من تهمه او يمكن بيعطوني شي ثمين يدسم شاربي الابيض
رقم لوحة الديانا 3208 vra-------- ا ر ى 3208
وصل اللهم وسلم على النبي محمد واله
تستطيع المشاركة هنا والرد على الموضوع ومشاركة رأيك عبر حسابك في الفيس بوك