الحمد لله رب العالمين والصلاة والسلام علي نبينا محمد اقسم بالله العظيم ماادري وش اكتب بس ابي
ابشركم اليوم تم تسديد مكتب التاجير وفاتورة الكهرب وتم
الغاء ايقاف الخدمات والفضل لله ثم لفاعل خير ارسلي علي الخاص وعدني واوفي بوعده وسدد عني الله يجزاه الجنه وابي اقولكم قصه صارت معي قبل كم سنه يوم كان الله منعم علي قبل لا اخسر كل فلوسي بالاسهم كنت ازور قريب لي مسجون الا اشوف شايب بالسجن سالت قريبي عنه وش قصته قال مديون علي9000 ريال قلت عطني اسمه واسم الي يطلبه اقسم بالله بنفس
اليوم دفعتهن عنه وطلع وتوني تذكرت القصه والله ثم والله ماكتبت القصه ادور الرياء بس هذي رساله اوجها الي اصحاب الملاين انهم يبحثون عن المعسورين والمحتاجين ويتاكدون من وضعهم ويساعدونهم وهذي رسالة فاعل الخير لي (لَن تَنَالُوا الْبِرَّ حَتَّىٰ تُنفِقُوا مِمَّا تُحِبُّونَ ۚ وَمَا تُنفِقُوا مِن شَيْءٍ فَإِنَّ اللَّهَ بِهِ عَلِيمٌ ) (ياخوي هذا حق وواجب وهذا شي لصالحي قبل لايكون لصالحك والله يوفقك ) والله يجزا خير كل من دعالي وشال همي
تستطيع المشاركة هنا والرد على الموضوع ومشاركة رأيك عبر حسابك في الفيس بوك