السلام عليكم
اولا قبل احد يزاود علي تراني سعودي
وطرحت هذا الموضوع للمناقشه
مريت على كذا محل اللي يسمونها فودترك او عربات الاكل اللي طايحين فيها الشباب
السعودي الان
قلت له وش عندك
قال بورجر دجاج ولحم وساندوتشات كودو دجاج
قلت زين
على كم ؟
قال برجر الدجاج 18 ريال
وبرجر اللحم 16 ريال
قلت لا ما ابي وجبه ابي برجر لوحده ! قال هذا البرجر بس قلت ايوه وبكم الوجبه
قال 25 ريال
والبطاطس ب 5 ريال
لاحظتها مو بس في الفود ترك حتى صيانة الجوالات حتى في المعدات الثقيله
حتى في سوق الخضار
عندما يرى انك سعودي يرفع السعر
اقسم بالله لو مافيه اجانب ينافسون وينزلون الاسعار مايكلنا الا بني جلدتنا
انا ما ادري ليش ثقافة اني اكسب 300% ليش ما اكسب 30% 25%
يعني لو بعشي اهلي وعيالي برجر سعودي يبيلي 150 ريال سعودي
رحت مطعم نظيف واخذت عشاء يكفي 6 اشخاص فقط ب 50 ريال !!!!
السؤال اللي يطرح نفسه
لماذا
السعودي اذا فتح محل واشتغل فيه يرفع الاسعار بشكل جنوني؟
المووضوع للمناقشه وليس لاي اسقاطات اخرى
تستطيع المشاركة هنا والرد على الموضوع ومشاركة رأيك عبر حسابك في الفيس بوك