 منذ /04-04-2017, 03:08 PM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  والله الوررررطة .. يالربع فزعتكم مع الرجال توهق مع خويه
السلام عليكم ورحمه الله وبركاته ..
يا اخوان هذا زميل لي متوهق الان ولا ليله ليل ولا نهاره نهار
والعلم ياطويلين الأعمار
ان هذا رجال كفو وموظف وراتبة زين وقرر أنه يتزوج بنت الحلال
المهم انه مالقى اللي تناسبه
وعنده خوي الروح بالروح ويعرفون بعض من سنين طويلة وعنده أخت
بسن الزواج ومن عائلة طيبة وأجواد وهو يعرف خويه زين وشراهم
كلم خويه بالموضوع وقال له انت رجال كفو وانا اعرفك زين واللي بيننا سنين
هذا من ناحيتي لكن خلني اشاور أهلي ومايصير الا كل خير .
بعد ماشاوروا البنت وافقت وجت حزه الشوفه الشرعية وهنا المشكلة
الرجال شافها وماعجبته نهائياً وصلى وأستخار بس ماش ما ارتاح لها أبد
الحين متوهق مع خويه يقول ان تزوجت هذي مشكلة لأنها ماعجبتني ولا ارتحت لها
وان رفضت هذي مشكلة عند خويي اني شايف أخته ولا تزوجتها
وانا شاري الرجال واللي بيننا سنين وروحات وجيات وعشرة عمر
الحين الرجال متووووهق مايدري وش يسوي ؟؟
عطونا ارائكم يارجال
وترى الرجال بيقرا ردودكم وان شاء الله ان ربي بيسخر له رجال عنده من العلم والحكمة وبيعطينا الشور اللي يبرد الخاطر ويحل الموضوع ..
وشكرا واسف على الأطالة
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |