 منذ /02-16-2009, 09:06 AM
|
#1 |
محبوب vib
| رقم العضوية : 356 | | تاريخ التسجيل : 14 - 4 - 2008 | | الجنس : ~ الاهلي | | المشاركات : 2,516 | | الحكمة المفضلة : Saudi Arabia | | SMS : | |  بسكويت الزنجبيل
المقادير:
1 كاس طحين + ملعقتين (طحين جميع الاستخدامات)
ملعقه زنجبيل مطحون
1\2 ملعقه باكينج صودا
1\4 ملعقه قرفه مطحونه (دارسين)
1\4 ملعقه مسمار مطحون (قرنفل)
1\8 ملعقه ملح
1\4 كاس + ملعقتين زبده طريه
1\2 كاس سكر (سكر ابيض عادي) مش بني
3 ملاعق ماي
2 ملعقه سكر + ملعقتين لوز مطحون + ربع ملعقه قرفه
1 بيضه
الطريقه:
اول شي نصخن الفرن بدرجه حراره 350 فهرنهايت او 175 درجه مئويه
ننخل الطحين في طاسه غزيره ونضيف له الزنجبيل والقرفه والمسمار والبيكنج صودا والملح ونخليهم علي جنب..
في طاسه ثانيه نضرب الزبده والسكر لين مايصير لنا مزيج كريمي ونضيف له البيضه وثلاث ملاعق الماي ونضربه مره ثانيه..
نضيف مزيج الزبده للطحين ونعجنها لين ماتتكون لنا عجينه .. لو كانت لينه نضيف شويه طحين لين مانوصل للقوام المطلوب..
في صحن نمزج ملعقتين السكر وملعقتين اللوز المطحون والقرفه
ونرش صينيه كبيره بطحين
ناخذ قطعه عجين صغيره بحجم حبه الجوز الصغيره ونكورها ونحطها في مزيج السكر واللوز والقرفه ونضغط عليها براحه ايدنا عشان شغلتين : الاولى انها تصير مسطحه والثانيه ان يلزق المزيج علي وجه البسكوت ونشيل البسكوته ونحطها بالصينيه ..
نراعي انه يكون فيه مسافه كافيه (اثنين او ثلاثه سانتي تقريبا) بين كل حبه بسكوت والثانيه لانه مع الحراره بتتمدد وتنتفخ شوي..
نخبزها في الفرن لمده 8-10 دقايق .. او لين مايصير لونها بني ..
نطلعها من الفرن ونخليها في الصينيه لمده لاتقل عن خمس دقايق بعدها نشيلها ونقدمها او نحفظها في حافظه مايدخلها هوا
وصحتين على قلوبكم..
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |