السلام عليكم ورحمة الله وبركاته
يا اخوان لي
يومين وانا في مشاكل مع
العمال بعد فرض الرسوم
والله ان البارح العامل حط الاقامة على الطاولة قدامي وقالي تفضل صلح لي خروج نهائي
المشكلة باختصرها لكم
العمال بعد الرسوم طاروا بحلقي يبون رفع رواتبهم ويبوني اتحمل الرسوم
حاولت اوصل معهم لحل يرضي الطرفين نتقاسم الرسوم اثنين وافقوا واربعة عيوا وقالوا انت تتحملها
انا اعطيهم رواتب الف وثمانمية وبعضهم الفين ريال وتجديد الا قامة عليهم وتذاكرهم وكل رسوم تخصهم عليهم انا ماعلي الا راتب اخر الشهر ،ولا اقدر اتحمل اكثر من كذا
و السوق بصراحة ما يساعد واهل التجارة يعرفون كلامي ذا
واحد من المحلات قررت اغلاقه وتسفير عمالته
لكن في مشكلة ثانية واجهتني السنة الجاية 2018 راح تفرض رسوم على كل عامل 400 ريال شهريا ماقدامي الا اغلاق المؤسسة
والله افكر جديا بنقل المؤسسة الى الامارات
للعلم كان عندي محلين لصيانة الجولات وقفلتها قبل سنة بعد القرار الخاص بالسعودة
وحولت العمالة على المحلات الثانية وكانت الامور ماشية بالبركة لكن الحين احسها قفلت بوجهي والله اني محتار بالوضع
يا اخوان عندي عامل محترم جدا اللي يبيه نقل كفالة ياخذه والله امين وله معي حول عشرين سنة ابن حلال اللي يبيه يرسلي اسمه واسوي له تنازل عن طريق ابشر معه رخصة سواقة يشتغل سواق للمدارس ويفهم بالاكترونيات
اللي يبيه يعطيه راتب الف وخمسمية ريال ويجدد له الاقامة ويعطيه غرفة سكن الرجل معه زوجته فقط مامعه بزران
واللي يبي يتفاهم مع العامل يرسل رقمه بالخاص
وانا اعطي الرقم للعامل يتفاهم معه
باقي على نهاية اقامته 14 يوم
تستطيع المشاركة هنا والرد على الموضوع ومشاركة رأيك عبر حسابك في الفيس بوك