السلام عليكم ورحمة الله وبركاته
مناسبة القصيدة
هذي أبيات كتبتها قبل فترة في سهم دار
الأركان ، وكان أحد الأخوه المحللين يوصي
على اسمنت الجوف .
يادار وش سويت فالناس يادار
ناس ترغب فيك و أخرى تسبه
مالك عذر يادار في كل ما صار
لو قيل مستقبلك ما يرغب به
نصحتهم لكن جرى حكم الأقدار
قالوا : صبي الذيب لا تنكب به
نصيحةٍ ما أطلبها لفت الأنظار
مجهول يرجي خيرها عند ربه
قلته صقر
قالوا ترى(عنز لو طار)
أحسن منه يافلان جمع بصبه
الكل فيه الخير لكن بالأدوار
نطلع مع الجاهز وغيره نذبه
يادار لي شرهه على كل محتار
بين الغريب و راي رجل يحبه
ولابد مايظهر نبأ هاك الأخبار
وتصدق الشاشه خبر ما كتب به
ما فات فات وطب فالسوق وأختار
و في المحفظة قفل عليها بظبه
و ختامها صلوا على سيد الأبرار
محمد المختاااار يا اللي تحبه
عنتاب
تستطيع المشاركة هنا والرد على الموضوع ومشاركة رأيك عبر حسابك في الفيس بوك