بصراحة افضل
مقطع يوتيوب شفته
وأخذت منه معلومات لكن معلومات تحتاج توضيح
فيما يتعلق بالموضوعين هذولي
https://hawamer.com/vb/hawamer2261879 https://hawamer.com/vb/hawamer2260736
هذا هو الفيديو
بقولكم ملخص الفيديو واسئلتي عنه ومن فضلكم ابغى الآراء والنصائح :
يقول : إذا ركبنا العازل المائي فوق العازل الحراري فإن العازل المائي يتعرض لتغيرات الحرارة بين ليل ونهار وبين فصول السنة وساعتها يتلف ويتشقق ويجف وبالتالي مايقدر يعزل المياه لأنه مافيه فوقه عازل حراري يحميه من الحرارة ... طيب كيف وحنا نضع فوقه دفان ثم بلاط ...؟؟ يعني الدفان والبلاط ماتمنع الحرارة عنه او تخففها ؟؟
يقول : نركب عازل مائي من النوع العادي غير المبحص على السطح ... طيب ممكن نركب العازل المبحص اللي يقاوم الحرارة حتى مانقع في المشكلة السابقة اللي ذكرها وهي ان العازل المائي بيتلف من الحرارة مادام مافيه فوقه عازل حراري ؟؟
يقول نسوي صبة رغوية بميول على الصفايات وفوقها لفات عزل مائي ثم الواح فلين للعزل الحراري .... طيب الصبة الرغوية بنفسها عازل حراري ومعتمدة من الكهرباء ليش نكرر العزل بالواح الفلين مادام الرغوية معتمدة انها عازل من شركة الكهرباء ؟؟ وأيضا الطريقة هذي اللي قال عليها أصحاب العزل يقولون مالها داعي وزيادة تكاليف ويسوون فقط صبة رغوية وفوقها لفات العزل ثم دفان وبلاط وما يستخدمون الواح الفلين ..
يقول نضع ميول بالصبة الرغوية باتجاه الصفايات ونقص ماصورة الصرف بمستواها ونبطن الماصورة بعزل مائي حتى المياه اللي تتسرب تحت البلاط تتجه بفعل الميول للصفايات وحدد نوع محدد من الصفايات نركبه لهذه الطريقة ويقول ان هذا مهم وشيء رئيسي لان المياه تتسرب وتنحبس تحت البلاط ولازم لها مخرج تخرج منه .....لكن اللي حصلته عند اهل العزل انهم يضعون الصبة الرغوية بدون ميول .... ومايقصون الصفاية ويضعون التصريف لها بمستوى البلاط ....فهل اللي ذكره بالمقطع لازم نسويه ؟؟ وعامل العزل يغطي الصفاية بقطعة عزل حتى نختبر العزل ثم يفك القطعة بعد الاختبار
يقول نضع عزل مبحص على اطراف السطح عند جدران السترة من اسفل وكمان نضع أيضا المبحص عند المواصير الطالعة من السطح أما بقية السطح فنستخدم لفات العزل العادي اللي مافيه بحص ..... طيب ليش هذا ..؟؟ وأصحاب العزل يركبون عازل عادي غير وما يستخدمون المبحص نهائيا ويقولون ان المبحص للاسطح المكشوفة والهناقر اللي تواجه الشمس اما الاسطح اللي تتغطي بالدفان والبلاط فيستخدمون العازل غير المبحص
في المقطع ماتكلم ولا
شفته استخدم الاكياس اللي يسمونها انسولايت لأني شفت في فيديو آخر انهم يخلطونها بالصبة الرغوية .... فهل هي مالها داعي ؟؟ او لازم نستخدمها ؟؟
شيء مهم قاله وهو وضع لياسة بزاوية 45 على جوانب السطح مع اسفل السترة حتى نركب عليها العزل المائي وما تكون الزاوية حادة
يقول نضع برايمر وهو الدهان اللي يضعونه قبل وضع اللفات نضعه على جوانب السطح وحول المواصير االتي تخرج من السطح فقط اما السطح نفسه ماله داعي نضع له برايمر .... لكن أصحاب العزل يضعون برايمر على السطح كله ويقولون بدون برايمر ماتلتصق اللفات بالسطح
يقول نضع شريحة ألمنيوم تمسك العازل بجدران السترة ..... لكن الشريحة هذي غير ضرورية عند اهل العزل ويقولون البلاط بيجي عليها ويغطيها ويثبتها بالجدار .... فهل هذي الشريحة ضرورية ؟؟؟
يقول بعد العازل المائي واختباره نضع نفرش نايلو ونضع فوقه الواح فلين وكما نستخدم الفلين المبثوق وليس الحبيبي وفوقها نضع لحمايتها غشاء قماش ... وما ادري ليش يستخدم يعزل بالواح فلين مادام انه عزل الحرارة بالصبة الرغوية ؟
يقول نضع بحص حول ماصورة الصرف اللي قصيناها ..... فهل البحص يمنع دفان البلاط انه مايتسرب ويذهب في الصفاية ؟؟؟وأيضا حدد نوع من الصفايات يتركب لهذه الطريقة ... ولا ادري اسم الصفايات هذه ؟؟ وهل تركيبها من المبلط سهل ؟؟
عسى اهل الخبرة والتجربة يطرحون رايهم وشكرا لكم
تستطيع المشاركة هنا والرد على الموضوع ومشاركة رأيك عبر حسابك في الفيس بوك