بينما كنت اقرأ تقارير سياحية لأحد السياح السعوديين استغربت الآتي : انقل لكم مقتطفات مفيده
مريت السفارة اليابانية في الرياض واستقبلني الأمبراطور بنفسه بس قلت له يا خالي ارتاح المسألة بسيطة (لحدد يدقق)..
إجراءات الهجرة: أمسك سرا مع العالم وين ما يروحون خلك وراهم ، أول ما توصل يصورونك و يبصمونك و يلصقون ورقة في جوازك على الفيزة، أنتبه تتفلسف و تشقها لأنها ضرورية عند المغادرة ياخذونها مرة ثانية..
ياخي حدد وش قصدك بغالية.. كنت أسمع أن الكوفي بميتين و التفاحة بسبعة آلاف و التكسي ما تركب معه إلا بضمان مالي و كفيل غارم و الفنادق ما تسكنك إلا بسندات بورصة ذهب ما تعترف بالفلوس من غليها الخ.. طلع كله كلام فاضي و غير صحيح.. الكولا بخمسة ريـال و أنا أعتبر سعر قوطي الكولا هو المعيار العالمي للأسعار بلا نفط بلا دولار بلا هم.. طبعاً تاخذ كولا من مطعم خمس نجوم أو فندق غير لما تاخذه من بقالة أو تاخذه من مكينات البيع الي في الشوارع.. العيشة في اليابان بالنسبة للسعودي غالية جداً لأن العقار عندنا لعب عيال مقارنة بلي عندهم.. منطقة غينزا (بتكلم عنها بعدين في التقرير بالصور) مثلاً المتر فيها سعره أكثر من 400 ألف ريـال.. و الأحياء السكنية غالية جداً.. تلقى شقة صغيرة بغرفتين و حمام و مطبخ و صالة صغيرة أجارها السنوي فوق الـ35 ألف ريـال في منطقة سكنية عادية بعيدة عن وسط البلد.. الفاكهة غالية عندهم.. و المأكولات بشكل عام غالية.. السيارات و الأدوات الكهربائية رخيصة طبعاً.. الملابس أسعارها وسط إلى غالية لأن مواصفات الجودة عندهم عالية جداً سواء الصنع المحلي أو المستورد.. لكن حنا ما نتكلم عن العيشة هناك.. أسعار الصرف للسياحة تختلف عن العيشة.. فبالنسبة لشخص أو حتى عائلة يبي يروحون تمشية و سياحة عشر أيام لأسبوعين ما راح يصرفون كثير لو حسبوها مضبوط.. لما أسأل شخص راح لأوروبا ألاحظ أن الأسعار الي يتكلم عنها غالية أكثر من اليابان كسائح.. لكن العيشة هناك أرخص لما نسوي مقارنة..
كيف المواصلات هناك ؟!.. التكاسي غالية و فتحة الباب في طوكيو بـ40 ريـال و في أوساكا بـ37 ريـال الباصات ما جربناها إلا في القروب السياحي كانت كل تنقلاتنا عن طريق الصبواي المترو و طريقته سهلة فوق ما تتصورون.. تلاحق الألوان و الأرقام أنت مثلاً تبي شيبويا.. لها ثلاث خطوط بأرقام و ألوان G01 برتقالي F16 بني Z01 بنفسجي خلاص تمسك أي خط منهم هالألوان و تنتقل من الأرقام لين توصل
أفادني تطبيق على الآيفون كثير اسمه Tokyo Metro Subway by mxData Ltd
إضغط على الصورة لتكبيرها ... أبعاد الصورة الأصلية 951x790 وحجمها 77 كيلو بايت .
هذا الموقع طحت فيه بالصدفة و فكرته إن هذولا يابانيين يحبون بلدهم و في نفس الوقت يحبون يطلعون على ثقافات الناس الثانية و يعرفون معلومات عن الشعوب البعيدة عنهم.. طريقة التسجيل سهلة ، بس لازم تسجل بدري.. ثم تسوي الخطوات التالية: تحدد بالضبط أي يوم تبي المرشد معك تحدد كم ساعة تحدد كم عددكم و هل معكم أطفال ولا لا (بعضهم منحاش من صجة عياله مهوب رايق لصجة عيال ناس أغراب) تحدد وش الأشياء الأساسية الي تنوي تروح لها أو هدف عام (مثلاً تقول أحب المتاحف/ الإليكترونيات الخ)
ثم يضيفون شروط بسيطة مثل: كل شي بلاش ولا تدفع ولا هللة.. لكن تذاكر المترو أو القطارات أو وسائل النقل عموماً عليك.. إذا دخلتوا مطعم أو بغيتوا تاكلون تحاسبون عنه.. و بس
بعد كذا ياخذون طلبك و يقولون بنشوف شخص وقته و جدوله يناسب يومك و الساعات الي حددتها.. ثم هو بيتواصل معك على الإيميل.. لأن هذولا كلهم موظفين و طلاب ما هم شغالين في شركات سياحية أصلاً.. سجلت في الموقع و تعرفت على الإنسان الطيب هذا اسمه نوري-سان
الصراحة هدفي الرئيسي كان إني آخذ من المرشد بعض الخيوط المهمة مثل طريقة استخدام المترو.. و كيف أوصل للأماكن السياحية و بعض الأمور.. لكن الي شفته كان تجاوب غير طبيعي.. بشوش و خدوم و يمشي ما شاء الله مشي مهوب طبيعي يالله نلحق عليه! تتوقعون كم عمره ؟!..
رحنا للمتحف الوطني و بعض الأشياء الي مكتوبة بس بالياباني يشرحها لنا أو يروح يسأل و يرجع لنا.. ثم رحنا لمنطقة أونيو فرفرنا فيها.. و مع إني كنت محدد أربع ساعات إلا إنه ما قصر جلس معنا تقريباً سبع ساعات..
قبل لا نطلع من الرياض أرسل لي إيميل يقول وده بالزي السعودي إذا أمكن و جبت له ثوب الدفه
المواضيع المتشابهه 
السياحة في اليابان شيء لايصدق 
تتوقعون كم عمره ؟!..
العرض المتطور
