الحمدلله على كل حال والله ان الوضع لايسر لاعدو ولا صديق حالتي مع هالاسهم اقرب مالها فلم هندي والله ادمنت على الخساير ماعمري ربحت بهالسوق
زين ودعمتها من حر مالي وخسرت فيها خساير الله يعوضنا والاركان نفس الشي وانعام واكسا والخليجية ونماء
كل مضاربين السوق عطيتهم المقسوم بيودون عيالهم لاوروبا بهالصيف وانا جالس ادور عذر عشان ااجل زواجي
قرض بجلس اسدده 5 سنوات بفوائده وراح في بطن هالسوق
والله ان رصيدي مافيه الا ريالات كل ماجا هالرويتب المنتف عدلت فيه يقال اني الحين الي فاهم وبعدل اسعاري
والحين جالس بكل الي باقي معي في طوكيو مارين طالع علي بحدود 84 ونزل مع اخوياه التامين وكل الاسهم رجعت لاسعارها الا هو طال عمره يقولون مضاربه مصيف بدري ايييه يحق لك
ومادري وش اسوي اطلع الحين بخسايري ولا انتظر هالسهم يمكن يعوض ولو شي بسيط ولا ابدله بسهم ثاني
الوكاد اني بحاله مايعلم فيها الا الله
الله يعوض علي وعلى كل خسران بهالسوق والله مايحس بالنار الا رجل واطيها ولا حول ولا قوة الا بالله