قمة الغضب ان تبيع سهم دابل كبدك شهر ومن يوم ما تبيعه يفز فزة ضفدع ويا كثر هذه النوعيه وقمة قمة القهر أن تصبر شهر على سهم رمه ومضارب السهم عجوز ومن يوم تبيعه يفز ومع فزته قلبك يفز وتقول حلالي لا يروح وتأخذه بسعر أعلى ثم يجيك معود:hawamer5112
{هذا مضارب الخليجيه وهو موجود بيننا}
أعود لهذه العجوز المِزواجه وقبل فتره طويله كانت متزوجه من عود مرْيش ويلعب بالملاين لعب بالضبط مثلنا ونحن نلعب بالملاليم لعب وعنده محفظه في بنك الجزيره وكما تعلمون فهناك محافظ يديرها أصحابها وهناك محافظ يديرها البنك قلت للشايب/ يا أُنكِل وش عندك من أسهم ؟ قال / مدري عنهم هم يبيعون وهم يشترون قلت له / تعرف رقم محفظتك ؟ قال / الله الله قلت له / خذ هذا رقمهم المجاني دق على الموضف وإنشده عن الأسهم الموجوده عندك!
ما قصر الشايب وعلمني بالإسهم الموجوده وهي سهمين ونجحنا في إختراق محفظة بنك الجزيره وطبعا درعمت فيها بكل السيوله حينها فقط دخل أبو سعد عالم ال وودع عالم الاحزان وودعكم وكل صباح أتصل بالعود(نسيبي) وأطلب منه يتصل عليهم ويسترق لي الوضع وياحلاوتك يابو سعد نسيت المنتديات ونسيتكم وأمضيت شهر بحاله وانا اكسب أكسب أكسب يتأخرون في الصعود وشغلهم مرتب وعالم متزنه في الشراء والبيع لكن للمكسب طعم
لقد كان هذا الشهر هو الشهر الوحيد في حياتي التداوليه الذي لم أخسر به وفي هذا الشهر كنت أزور المنتدى بعيناي وأقول الحمد لله الذي عافاني مما إبتلاهم به هذا يصيح _ وهذا يدعي على فلان _ وهذا يستنجد بالملك .. الخ ___ بؤساء تعساء __
كنت لا أكتب ولا أرد كنت متشائم جدا منكم
ولكن ماذا حصل بعد شهر العسل الجميل هذا ؟ وكيف عاد ابو سعد للخسائر ولكم؟
الذي حصل أن الشايب أغلق جواله:hawamer1412 يوم يومين ثلاثه اسبوع وتاه ابو سعد لا أنا عارف أبيع ولا أنا قادر أشتري وأخبرتني جدة القبيله ان العود بمصر عنده ( إستيراد وتصدير:hawamer1712) وغاب الشايب شهر وعاد لنا بمصيبه عاد من مصر وبمعيته غزال صعيدي عشريني جدتي الجمال متعدي من عندها وهو مصفي الطبلون ولكنها أنيسه مؤنسه وكبار السن لا يهتمون بالجمال بقدر إهتمامهم بإمرأه يأنسون لها ولهذا فهو لم يكن يرغب في الطلاق ولكن العجوز رفست النعمه:hawamer5712 وضيعت حالها وحالي وقالت / اللي أطيب منه ما تزوجوا علي وتبغوني أقعد عنده وهو ماخذٍ علي صعيديه معصي أأأأأأه إقعدي عنده عساها تقعد الدنيا عليكي
سعيت وإجتهدت من بعيد لبعيد وعن طريق عيالها وعيال عيالها لكي تعود العجوز لزوجها وأعود أنا لبنك الجزيره فأنا لا أريد العوده لكم :hawamer5512
وعبثا ذهبت محاولاتنا لم ترجع العجوز لزوجها ورجعت انا مكرها لكم وضاعت العجوز من حينها ولم يخطبها أحد وضعت أنا بينكم هذا حال الدنيا يغلطون الكبار ويضيعون الصغار
حاولت أن أجي على نفسي وأعود للشايب أقصد أتصل عليه ! ولكن وجدتها بايخه:hawamer3112 يطلق جدتي وأعود إليه دا مستحيل خليه يفرح بالمصريه وانا أفرح بيكم:hawamer4412
المواضيع المتشابهه 
شهــــــــــــــر العســـــــــــــل فـــــــــــي فرقـــــــاكــــــــــم 
العرض الشجري
