اليوم وانا جاي من الدوام وصلت البيت قبل صلاة المغرب وانا امشي اسمع خشوشه جنب سياره واوقف عندها وقف الصوت. وشوي وسمع الصوت. ارجع واحد جالس يبي يسكر مثلث السياره وانا ما اعرف راعيها رحت عنده وقلت بصوتي عاليوش عندك هنا نقز تقول قطوه وماتكلم. قلت تكلم وش عندك هنا وجيت ابي امسكه طلع في وجهي سكين و يقول بعد عني قلت اوكي ابي احاول اعرف شكله لانو متلطم المهم الرجل يبي الشر جا عندي ويبي يطعني قبل مايجي اطلع مسدس في وجه واطلق جنب رجله رصاصه علشان يخاف ويبعد وربي انو حذف السكين وهرب وهو يبكي ويقول والله .....امك والله طوطوطوطوطو والحقه بس وفكرت اني ارطلق رصاصه مره ثانيه بس قلت مالها داعي ان شاء الله يتوب ومعد يسويها مره ثانيه وشوي يطلعو الناس من البيت من المسجد وقالو وش فيه قلت لهم السالفه وطلع راعي السياره وقال لا اله الا الله مدري وش يبو فيا مافيها شي وطلع كسر المثلث قلت له انتبه اذ فيها اوراق او فلوس قال مافي شي المهم رجعت البيت. واتروش واصلي وطلعت ابي اروح الدكان وشوي المهم حسيت المهم رحت الدكان قلت في نفسي برجع من نفس المكان الا كانت فيه السياره وانا راجع كانت فيه سياره في الخلف. واسمع هذاهو هو. انا قلت ياليت خذيت المسدس معي وشوي يوقف جنب دوريه ويقول
سلام
قلت عليك السلام وكانت خلفه سياره وكان في ولد ورا يبكي في الجيب حق الشرطه ماقدرت اشوفه في ظلام قال معنا ضدك شكوي وتعال معنا قلت سلامات اي شكوي قال اركب معنا وتعرف في القسم قلت خلاص لحظه اروح البيت اجيب بطاقات قال اوكي نزل العسكري من السياره الثانيه وراح معي البيت خذيت البطاقات حقي وركبت معه وقلت ممكن تقولي وش فيه. قال والله وانا اخوك ما ادري بس جانا بلاغ قلت طيب في الجيب سمعت واحد يبكي قال ماعند كلام لك قال وين شغال قلت القوات الخاصه
ورحت القسم ودخلت واسمع شايب يقول الله يلعنه الله يهبها في وجهه ودخلت معا العسكري علي نقيب واحد شايب سلمت عليهم قلت له النقيب خير قالو انتا مسوي مشكله معا ولدالشايب وشوي يقوم علي الشايب ويبي يضربني ومعصب علي والعسكري مسكه والنقيب قال ياعم ممكن تسكت وتوقف او بطلعك وانا اطالع فيه وعيونه شر
قلت الله يستر
قال الضابط جاني الشايب هذا وابنه وقالو انك اطلقت النار عليه ابنه قلت اها وذخل عسكري ومعو ولد ويقول يبا هذا هو هذا هو قال لعنت الله عليه
قلت اوكي انا بقول لكم السالفه كلها وكل ماقول شي قامو يقول كذب حتا الشايب يقول كذاب قلت ياعم كيف تقول كذاب وانتا مو معنا. قلت لايكون كنت معه. قال اشهد عليه يا ضابط يتهمني. وقلت له يعني تعرف ولدك وش كان مسوي قام الضابط وسكتنا وطلع الولد برا
قلت لهم السالفه الا قلتها لكم فوق وقال لي مو من حقك انك تطلع المسدس في وجهه وترا ياويلك لو مايكون عندك تصريح قلت اول شي انا دافعت عني نفسي وانا من القوات الخاصه وتوني راجع من الدوام وكان معو سكين وكان يطعني وقلت لو يوقف وماسمع كلامي وانا سويت كذا علشان يخاف ويوقف وانا كشفته كان يبي يسرق سياره. واذ مو مصدقيني تعالو معي عند راعي السياره وشوفها اذ ما كان كلام صدق انا تحت امركم الاتبونه انا جاهز الشايب يقول كذبت قلت وربي الكعبه اني صادق عطني القران احلف عليه قام دخلو الولد عمره 18
قال له الضابط السالفه قال كذاب قلت لضابط طيب وش قالو لك قال لي انك تحرشت فيه فتحت عيوني قلت وربي عيب وربي مو صح طيب اوكي تعالو معي عند راعي السياره المهم اخذني عسكري ورحت مكتب ثاني ودخل علي النقيب قلت لو ياخي وربي اني شفت يسرق سياره وانو رفع علي السكين ويبي يطعني قال اوكي الجماعه. نبي نخلص الموضوع قلت وانا وش دخلني هذا اخرتها اصير انا السبب علشان ورع كان يبي يسرق
قلت ممكن اتصل
الشايب يقول لابنه. ها حصلت الفلوس كان معو فلوس راح سحبها من الصراف وضاعت شكله لما طلع المسدس هرب ولدي وطاحت منو او انو وسكت وانا ماسك الجوال قلت كمل او اني سرقتها قال مدري كل شي وارد المهم قلت خلني اتصل علي ملازم معي ممكن ينفعني وهو شباب زي المهم اتصل واقول الو سلام عليكم طال عمرك اخبارك طال عمرك انا متعمد اسوي هالحركه والله طال عممرك ابيك في موضوع الملازم قال لي سلامات وش في كلامك كذا توك كنت معنا. وش الكلام والشايب يطالع فيني ويتلفت يمين ويسار قلت لو انا في الشرطه ومعليش طال عمرك بتعبك معي وحلست امدح فيه طال عمرك تسلم طال عمرك وقفلت الخط وشوي الشايب يقول اووووووووووووووووووو امك نسيتهم في المستشفي يلا ولدي خلني نروح لهم ونرجع لكم النقيب ضحك ابتسم وهو وربي ماعنده سالفه نجمات علي الفاضي وتغير كلام الشايب صار طيب وصار محترم ويقول ياولدي المسامح كريم. خلاص انا زوجتي في المستشفي ونروح نشوفها وانا بحاول في الولد يسامح وطلع. انا قلت لا ارجعو ولدك سارق قال خلاص بعلمه شغله.
لما طلع قلت لو ليه تخليه يطلع هذا كان يسرق قال ياخي فكنا منو خلاص هو طلع من نفسه هذا كل ماولده سو مشكله يجي ويغثنا ويبكي عندنا ولدي عاقل وانتم تبون تسون لو مشكله ولدي مافي زيو وويا ما فقع قلوبنا قلت لو مو حل مفروض تحطو ولده وتخلونه يعرف ان الله حق قال صح كلامك لكن ابوه زي منت شايف كبير قلت هذا مو حل يعني بكره يسوي مشكله ويسوي نفس السالفه معي ويجون عندكم وجت في بالي حاجه قلت وش اسمه هذا الشايب قال فلان الفلاني. وعلي طول عرفت السالفه النقيب مايقدر يسوي له. اي شي لانو قريب لو
اتصل علي الملازم قلت خلاص لا تجي قال ليش قلت الامور تمام
قلت للنقيب الحين وش تبون مني قال سلامتك قلت لو الله يسلمك وقلت الله يعينك علي هالاشكال
قال والله تعرف لو اسوي كذا يغثني بس كنت ابي احلها ودي وكويس انو راح قلت لو يقرب لك الشايب سكت وقلت اوكي الله يسامحه لكنرصدقني اذ ما وقفت ولده عند حده راح يسبب لك مشاكل. وطلعت بعد ماجلست ساعتان في القسم
المواضيع المتشابهه 
هل النظام كذا انا ماسويت شي ليش يعاملوني كذا وانا علي حق 
العرض الشجري
