1- احب اروح لحالي واطقها مشوية لحم او دجاج واقعد اسنتر لين يذن الفجر .
2- او اقعد في كوفي لين يقفل المحل
3- او ادور بالسيارة لين يجيني النوم
المشكلة في الأمرين اللي سويتهم
كنت اسويهم قبل
الحين لا
يجوني الهيئة ويقولون وش عندك؟؟
وخصوصاً اذا في بر ورا جسر معلق
او بالثمامة
او طريق المطار
حتى اذكر اسخف موقف مر علي
اني سنترت مكان للشوي لحالي
جتني سيارة خصوصية يسألني صاحبها وش عندي اشوي هنا
قلت هذا انت سألت وجاوبت على السؤال .. جالس اشوي
قال هذا ارضي لو سمحت قم لك 10 دقايق تضف عفشك .
قلت ياخوي انا بشوي وان جا الفجر سريت
قال لا ياخوي الساعة الحين 11 ووقت دوامات قم واسر من هالحين
قلت لا بارك الله فيك ولا في ارضك
سفهني وصار يمشي بشوييييش يحتريني اتحرك لين تحركت
اما الأمر الثالث اني طفشت وانا ادور يالربع
يعني ان درت ، بشوف مراهقين بالطريق هياط لو جيت التحلية .
والا بعض البنات القليلات الحيا في الأماكن الإجتماعية
والا سواقين هنود قدامك ماشيين مهديين وانت ماسك المسار الأيسر
ودك توقفهم وتعطيهم كم مخمس
والا شايب يحرجك يدعي عليك وهو الغلطان بنفس الوقت !
المواضيع المتشابهه 
الله يخليكم دلوني على مكان ينفع يكون قريب من المجتمع بدون مشاكل مع الهيئة !! 
العرض الشجري
