عرض علي واحد جامع ووعدني اني امسكه
وقالي بخليك تمسك الجامع وانه بيرفع اسمي للوزارة بنفسه وصار يأمل فيني بالجامع ويزينه لي وان عليه سكن وصاحب الجامع من التجار والشيوخ الكبار المعروفين ومهب مقصر معي بشيء
قلت له يابن الحلال انا ابغى اصلي واطلع مع الباب ولايهمني الا السكن حتى التزم بالجامع مانب جاي راغب في التاجر !
المهم طلب مني صورة من بطاقة الاحوال وقالي بجيك بنفسي آخذها منك .. ثم يوم تواصلت معه غير رأيه وقال عطها حارس المسجد وانا باخذها منه ( والحارس يمني )
بعد كذا جلست انتظره 3 اسابيع ويوم كلمته اشوف وش السالفه قالي مالي دخل ومانب من الجماعة وانا انتظر رأي الجماعة ( مع ان الجامع جديد وفي حي جديد ولا فيه الا 6 انفار وغالبيتهم موافقين علي ) وقالي ننتظر بعد رأي صاحب المسجد!
هو ماقالي كذا من الاول .. هو تمزهل بي وأمل فيني بالجامع وزينه لي وقالي بقدم لك بنفسي ووعدني اني بمسك الجامع ( حسسني انه الموكل من صاحب الجامع وانه معطيه الضوء الاخضر في التصرف والاختيار ! )
الان انا خايف لايصير شيء باسمي وانا مدري ! ولو فرضاً حصلت الصورة من بطاقتي الاحوال وأخذتها فكيف اتطمن ان محد صورها اكثر من صورة ؟
انا خايف ان احد يستخدمها في اعمال سيئة باسمي
هل صور بطاقة الاحوال تُقبل عند اي مهمة سواء تاجير سيارة او استقدام عمالة او تاشيرة او تذكرة او او بيع ومشترى او كفالة او مستشفى او استئجار او وكالة او اي امر ؟
هل اشتكي وابرئ ذمتي عند الشرطة واخبرهم القصة كاملة ؟
ياليت الله يجزاكم خير توجهوني وش السواة او احد يطمني بس
المواضيع المتشابهه 
شخص كذب علي وأخذ صورة من بطاقتي الاحوال .. وش العمل الان ؟ 
العرض الشجري
