ي أخواني أنتبهوا من المحطات اللي على الخطوط السريعة أسعارهم أضعاف مضاعفة ولا رقيب ولا حسيب اعطيكم قصتي وأنا طالع من المنطقة الشرقية متجه الى الرياض لبقت عند محطة بترو سحاب قلت اعبي بانزين ومنها دخلت السوبرماركت أخذت يالربع زير فخار عشان ابرد فيه موية اخذته للبيت حجمه صغير ياخذ تقريبا 12 لتر ماء تعرفون صيف الرياض وانا احب الشرب الماء من الفخار وعندي خلفية في اسعارها المهم الفخار اللي شريته من باكستان كم سعره يابو يمن قال 85 ريال نهاية قلت اوكية يمكن الباكستاني غالي اخذته وكملت رحلتي وصلت الرياض لله الحمد غسلته وعبيته موية الا الموية تهرب قلت يمكن جديد عبيته مرة ثانية وقلت بكرة اشوفه جاء من بكرة ومر عليه الا وهو فاضي هرب الماء كله وقمت عبيته موية الا شوي يهرب من كل اتجاه شوي ويتفكك بين يدي لاحول ولا قوة الا بالله ارتفع ضغطي ليتني حولك يابويمن
المهم في المساء قلت لعيالي ابشروا بالعوض بروح لمحل الفخار اللي بالشفاء على طريق ديراب يمكن تعرفونه وجيب واحد كبير ورحت هناك ويوم ادخل المحل الا والله هذا زيري اللي شريته من محطة بتروسحاب ونقز في العامل كم عليه هذا تدرون كم قال سعره بتنصدمون من النصب اللي حاصل في البلد من العمالة المفترية قال ب 35 ريال وبتروسحاب ب 85 ريال 50 ريال فرق حسبنا الله ونعم الوكيل هذا فخار اجل الباقي كم اسعارها المحطة مليانة بضاعة رخيصة ابو 10 ريال ب 50 و 60 ريال واللي بيسافر لشرقية يمرها ويشوف المنكر بعينه
والله يالربع مقهور ينضحك علينا في بلدنا وليته من اخونا كان سمنا في دقيقنا بس للأسف من ناس غرباء هل لان وزارة التجارة مو قادرة على القيام بواجبها من كثرة المحال التجارية ولا الشعب ما يبلغ الوزارة وراضي بالضحك عليه
والله أني حاط الفخار المتكسر بكيس لحد ما اسافر لشرقية وارجعه على الحرامية
المواضيع المتشابهه 
محطة بتروسحاب يمنية لا يخافون الله وين وزارة التجارة منهم 
العرض الشجري
