كنت في خارج المملكه للدراسه و بفضل الله تخرجت.
في أحدى أيام رمضان المبارك بالذات اليوم الثاني من عام ؟؟؟؟؟
ههه تبون تعرفون كم العمر .. تبطون ههه
المهم
كنت عازم الشباب الصائمون للفطور عندي
و الفاطرين الله يسامحهم ما عزمتهم
ليه ؟ الله يستر عليهم .. طبعا فهمتوا !
أما رمضان اللي بعده ما عزموني :hawamer1612:hawamer1612
ما علينا
طبعا في سيارتي مقضي و راجع للبيت علشان أطبخ
طبعا سيارة كشخه موديل سنتها
و ذاك اليوم كان ممطر بشكل عنيف
يعني لو تضربك بس قطره وحده تفك ضلعك هههه
او إذا طاحت على الركبه .. رباط صليبي على طول
القطره كنها حبة اليوسفي
المهم مهوب شغلكم ههههه
السرعه في ذاك الشارع 30 ميل/س
طبعا أتحدى إذا مشيت بهالسرعه .. تحس إنك على بساط الريح
كنت تقريبا ماشي من 20 – 22 ميل/س
قدامي إشارة مرور تبعد عني يمكن 60 م
و ياااااالله أشوفها
المهم
شفت عند الإشارة و لا منيب متأكد إن فيه شبح أو خيال سياره
معترضه عند الإشارة بس تمشي و لكن ببطء شديد
هديت شوي من السرعه و صرت مره قريب منه
وش أشوف !!!! سياره طولها 1000 م
تخبرون بلايموث 70 .. حديد في حديد
و سيارتي كرتون ههههههههه بس مايحتاج هههه
أرتعت و ربطت فرامل و ياليتني ماربطت
تزحلقت السياره ونا معها طبعا هههه
و صارت كأنها تمشي 100 ميل/س
واااااااااااااو ردت فعلي الأوليه
و دربج .. صدمته .. درعمت في أبوابه
كل واحد يختار الكلمه اللي يفهمها هههه
ما علينا
نزلت و شفت كرتوني .. الله يخلف كلش راح
و حديده النكبه ما غير البابين و كني قبلتهما
طبعا
عندي تعليمات من التأمين
إذا صار لك حادث لا تتكلم مع الطرف الثاني
رص عمرك عند أي جدار و أنثبر ههه
سمِ طال عمرتس .. طبعا أنثى تأمرني
الشكوى لله :hawamer3612
و فيذا نحن من يصدر الأوامر
ما علينا
ياجماعه خلال دقيقتان فقط من دون إتصال أو فزعه
ألا المرور واقف .. كيف ما أدري !!!!!!!
مثل عندنا بالضبط !!!!!!!!!!
ألا هاك العبيده مسلحه و دفترها معها
والله نسيت هي شريطين أو ثلاثه
المهم
بيني و بين خصمي حول 20 م أو 15 م نسيت
أول مانزلت العبيده .. راحت لخصمي
و بدأت تسأله و تكتب
تخيلوني .. ضربتني الهواجيس و هي ..
أكيد يتفقون عليّ ..
وش فيها تناظرني !!!
أكيد تقول له سيارته راهيه
لا يهمك بحطه الغلطان !!!!
ياربييييه ما عندي واسطه ...
وراهم طولوا !!!!!
لقيتها .. فيه عميد في السعوديه أعرفه واااو
يا خبل أنت في ديار بعيده
أوووووه نسيت .. لأني متعود :hawamer1612
ماعلينا
جتني بعد ما خلصت من خصمي
و بغيت أقول لها .. آسف غلطان و ستين غلطان
لأني قلت طبخوها !!!
أهبل
قالت: الرخصه ؟
قلت: تفضلي
قالت: الإستماره ؟
قلت: تفضلي
قالت: وش أسمك ؟
قلت: مكتوب عندك
طبعا فكرتني بالربع الله يخلف هههه
قالت: أدري .. وش أسمك ؟
قلت: فليحان ههههه
قالت: وش أنت ؟
حسستني إني من فصيلة مزايين البل :hawamer6512
قلت: سعودي
قالت: وش تسوي عندنا ؟
قلت: أهرب بشر للبيع من ألجنوبيه للشماليه .. و هي تدري
طبعا ماقلتها .. بس للوناسه في القصه ههههه
قلت: أدرس
سألتني: وش اللي صار ؟
قلت لها السالفه .. إني ماشي في طريقي و اعترضني و أرتطمت فيه.
والله يالربع خلال 10 دقائق
ما دريت إلا ذاك الونش اللي شقب سيارتي و طار
أنا : هيه وين رايح .. أنت ياااا أبن الكلب عسى خير
طبعا ابن الكلب بالعربي :hawamer1612 السموحه منكم
هذا شعوري لحظتها
طيب وين مودي سيارتي و كيف أعرف أي ورشه
و هل الورشه ممتازه أو لا .. يمكن حرامي ؟؟؟ ههه
العبيده: سلامات وش فيك ؟
قلت: منهوا ذا و ليه يسحب السياره وهو ما يدري من صاحبها
و لا أخذ المفتاح و لا أعرفه و لا يعرفني ؟؟؟؟؟؟
قالت: لا تخاف .. يعرف كل شئ
أهبل
المهم جات النكبه ...
سألتني سؤال جدا غريب .. بس أنبسطت منه
السؤال .. طبعا كلكم مشتاقين تعرفونه هاه
السؤال ريحني كثير و نسيت السياره
خلوا السؤال في الحلقه القادمه
علشان ما أطول عليكم هههههه
طيب
السؤال: هل لديك ماتقوله بأن شئ ما حدث لسيارته أثناء عبوره ؟
و يافرحتي
ايه ايه ودي أقول شئ بس خائف ما تصدقين خبركم عتيق :hawamer4112
قالت: قوووول قبل ما أقفل المحضر
صرحت بالأتي :
الحقيقه كان بإمكانه العبور و بما أن سرعتي كانت في حدود المعقول
كان بإمكاني أن أتفاداه و لكن ..
أشعر بأن سيارته نتعت أو طفت عليه أو فيه طاعون :hawamer0012
قالت: لقد صدقت فلقد طفت سيارته و أنت تعرف
السياره قديمه جدا
يحي العدل .. يحي العدل
وهي كافره أنصفتني .. يا للهول
بلغوا ربعنا ياناس
ودي أبكي من حالنا
ودي أبكي من العدل
ودي أبكي من الصدق
ودي أبكي ما عندي أحد هالحين :hawamer5212
الطقاقه (الشرطيه ): خذ هذا الكرت و أعطه لشركة التأمين
قلت: كرت !!! وش أسوي فيه ؟ الكرتون حقي وينه ؟
قالت: أذلف و رح للشركه :hawamer4012
قلت: سمِي طال عمرتس :hawamer6312
ماعلينا
رحت للشركه و أعطيت الكرت للعجيز
قالت: سلامات و ما تشوف شر
قلت: الخلا بس وين كرتوني ؟
قالت: خذ هذا لكرت و أتبع العنوان اللي فيه
أم الكروت اللي أنشبوني فيها و كرتوني وينه !!
المهم
طلعت و رحت للعنوان .. هقيت عنوان كرتوني
العنوان طلع معرض كراتين
خير إن شاء الله .. أكيد العجيز مخبطه
طلعت أنا اللي ما عندك أحد
الربع بيعطوني كرتون جديد للإستخدام
دخلت المعرض و أعطيت الكرت لواحد شخصيه
قلت: تفضل
قال: سلمت يمناك
طلعني في ساحة الكراتين و
قال: أختر وحده من هالكراتين
قلت له: من جدك ؟ :hawamer0012
قال: يس
تصدقون إن العرض كان سيارات كاديلاك جديد
قال: أختر أي لون يعجبك
أغمى عليّ و أسعفوني بالقوه
مذهول .. عقلي طار .. مرتبك
هذولا صاحين !!!! من جد بيعطوني كاديلاك ؟
يا للهول
المهم
أخترت اللون و عطوني المفتاح و عبوها بنزين فُل
و قال: مع السلامه .. إلى أن تطلع سيارتك أرجع لنا
يا سلام .. أخذتها و كشخت فيها
أنتهت سيارتي و أستلمتها
رجعت الكاديلاك للمعرض
قلت لمدير المعرض: ممكن آخذ دوره بالكاديلاك ؟
ضحك و قال حلالك (أما حلالك)
تصدقون هو اللي قال شكرا للترجيع
شئ يمخول العقل
بس الحقيقه هم كلهم .. أقصد
البوليس .. التأمين .. المعرض .. و الورشه
ماخذين هذا التعامل من عندنا (أمحق)
أتمنى بأن تكونوا أستانستوا بالقصه
حقيقه و ليست خيال
قصه واقعيه1 
العرض المتطور
