السلام عليكم



دخل شخص لفندق
وأتجه للريسبشن

وأنا كنت واقف فأخذ يستفسر عن الأجار

للوهله الاولى لما ناظرته
أنزعجت جداًُ بدون سبب ، نفرني بشكل فضيع


مع أن لبسه كان أنيق وملامحه مألوفه
وحتى لم يقاطعنا انتظر حتى اخلص كلامي

موظف الاستقبال تعاطى معه بالبدايه ثم لاحظت وتيرة الصوت والاسلوب تغيرت من موظف الرسبيشن بدون سبب
حتى أنه قال " ياخي السعر هذا ثابت " وعلى طول أتجه لي الموظف وأعطاني الورقة وقعد يحاول ياخذ معي اطول بالكلام حتى يتخلص منه

ثم أنتقل موظف الاستقبال لشخص كان بجانبي يقول له بأسلوب لبق سم تفضل بابتسامه



خرجت أنا من الفندق اجري إتصال


وفي مدخل الفندق فيه كنب ،، كان جالس عليه اثنين من الشباب مرافقين لي



اثناء دخولي للفندق مره أخرى لقيت الشخص اللي لم اتقبله
جالس بنفس المحيط اللي جاالسين فيه الشباب

مقابل لهم، لكن بينهم مسافة ، لكن مكانه مسموح أنه يجلس فيه

ومنشغل بجواله

اثناء دخولي قاموا الشباب واتجهوا معي لداخل الفندق

فيسولف الاول للثاني وحنا بالاصنصير

يقول شفت اللي جلس زلع جداً

فرد الثاني قال لاتغتاب يا ابو أسامه الرجل ماعمل لنا شيء لكن قد يكون ما ارتحنا له بدون سبب ،، والثاني موافق لكلام الاول أن الشخص هذا كان غير مريح

أنا سكت ماجبت طاري الموقف اللي حصل عند الاستقبال


بعد مده بسيطه ، أتصل تلفون الغرفه قالي موظف الاستقبال لو سمحت تتفضل لعندي خلصت موضوعك

نزلت مره اخرى لقيت نفس الشخص ويكلم بالجوال امام الاستقبال

واثناء الكلام بيني وبيني موظف الاستقبال قاعد يناظره موظف الاستقبال .ثم التفت على الموظف اللي بالداخل قال اذا جاك قله مافي إمكانيه بصوت خافت ..كأنه منزعج منه ..

ما رأيكم بسبب عدم تقبلنا جميعاً لشخص
مع أنه لايوجد شيء عليه

إلا أنه شعور سرى في داخلنا كلنا
واتفقنا عليه بدون أن لانعرف