اخوي من زمان وهو احيانا يقفي به الزمن ويعلق معه الحظ الردي
بعد استقراره في اليمن جار عليه الزمن وقال بيجرب حظه في التجاره واعطاه واحدن من الربع سياره ومبلغ عشره الاف ريال سعودي يتاجر بها في العطور الشعبيه التي لها رواج هناك ..خذا سيارته وتوكل على الله مسافرا لشراء العطور من محلاته الجمله على بعد 500 كم اشترى له بخمسه الاف ريال ورجع الباقي معاه ولكن في طريق العوده خلطت المكينه وتعلق في طريق السفر ..اشترى مكينه مستخدمه ب3500 وتصرف بالباقي ورجع خسران من السفريه بخمسه الاف ريال بضاعه باعها يالله جابت راس المال...بعدها عرض عليه واحد مزرعته كامله للايجار بخمسه الاف ريال طوال العام فقرر يحط حلال في زريبتها وخذا له بالخمسه الاف ثلاث نعاج وفحل وبعد كم شهر وهو في سوق الاغنام يتمشى وجد شاب معاه ضب يبي يبيعه اعجبه واشتراه منه ب50 ريال وقام يخرعنا بالضب وعند الغروب ربط الضب مع عكرته في عمود الزريبه الصغيره وسطها ولاجا الصباح الاالضب موت اثنتان من النعاج من عضاته والثالثه من شدة الخوف صارت تهرب لين طرف الزريبه وكان فيه مسمار قطع دياتها وصار الحليب يتناثر من طرفها والفحل صار يتلوى في عرض الزريبه ...خرجت قرون الضب على الخرفان والحظ الردي كملها ...المهم انا اجتمعنا وعوضنا ابوابراهيم بدبلها وسلامتكم
المواضيع المتشابهه 
اش ذا الحظ الردي ...اخوي شرا له حلال واكلها الضبـ 
العرض المتطور
