والله انا اقولها بصراحه ومن القهر
لا اجلس انافق ولا اجلس اطبل للوضع الحاصل هنا
وانا ما قلت موضوعي هذا الا من شي اشوفه بعيني ومحاسب من ربي
سمعت انه كم واحد سعودي عاشوا بقطر واخذوا الجنسيه
وماشاء الله عليهم عايشين حياتهم يقدر يفك بيت ويقدر يتزوج
ويقدر يشتري سيارة ويقدر يعيش اعياله افضل عيشه
تدرون ليه لان قطر تعز المواطن والمقيم صحيح بعضكم بيقول قطر ما عندها احد
وكل شعبها مليونين ولا تقارن بالسعودية
لكن اللي شفته بالفترة الاخيرة وصل عن حدة
رغم حزم الملك سلمان لكن الفساد ما زال وقوة القطاع الخاص اتجاه وزارة العمل .
راتب القطري والله اعلم يقال ان ابو ثانوي ياخذ فوق 15 الف
واللي معه دبلوم يصك فوق 20 الف ....الخ الى ما توصل 35 الف واكثر
على حسب شهادتك مع انه اكثر شعبهم امي ما يفكر بالدراسه وعايش حياته
لكن الحكومه تعزهم ورافعتهم
اغلب شعبهم ما يعرف بالسيارات الا لاند كروزر وباترول يعني اللي معه سيارة
ابو 100 الف هذا اجنبي عندهم
احنا نجلس سنين وصكك اعمارنا 30 لا زواج ولا راتب زي الناس ولا ترقيه
اذا انت في القطاع الخاص ولا سكن اللي صرنا نحلم فيه حتى سفر لاخذ
العمرة ما عمرت الا قبل 12 سنه يوم كنت ابو 18 وصلاتي مش حالك
حتى الحج اصبحت للمواطن كابوس اجل متى احج بعمري وانا بصك الـ 30
متى اعيش حياه هنيه والعمر راح اقولها بصراحه وانت فكر فيها
لايجي واحد يجلس ينافق ويطبل وتحصله شبعان وموظف عياله بالقطاع الحكومي
وساكن ملك وعايش حياته وعند اراضي ومزارع
انا كلامي بشكل عام
لذلك انا والله ثم والله بحاول اني احصل على الجنسيه القطريه
حتى لو سحبوا الجنسيه السعودية لانه العمر ما بقى منه شي
واللي يعرف طريقه اخذها انا مستعد اعطيه اتعابه وادعيه ليل نهار
وتقولون ليش الشباب الصغار مغسوله راسهم وتنظم لداعش وفي العراق
وسوريا الا من قله الدعم للشباب بطاله وفقر وواسطات للدخول للجامعه
فما بالك بالوظيفة اللي اصبحت صعب الوصول لها واذا حصلت حصلت وظيفه قطاع
خاص تحصل فوقك مدير فلسطيني يجلس ينافخ عليك
وانت ابن البلد راسك مدسوس بالارض لا هيبه ولا تقدير
ابـحـث عـن الـجـنـسـيـه الـقـطـريـة لـلـعـمـل والـعـيش هـنـاك 
العرض الشجري
