<div>صبحتم بالخير
بعض الاحيان تقرأ احصائيات مال امها داعي
تشك ان اللي مسويها صامخ صاروخين افغاني مخنز ومتوت
اوكاسين عرق مقطوع بزنوبة تكرمون ..!
مثل سالفة عدد المدخنات السعوديات
ونسبة السعوديات المتزوجات من اجانب
وعدد حالات الطلاق بالسعودية وهلم جرا
وآخرها سالفة عدد العوانس اللي قالوا عددهم 4 مليون
مالكم بالطويلة
قلت الموضوع هذا تحديداً ببحث وراه لأنه مادخلش نافوخي بتات البته
ودعونا نتفق بداية ان كلمة عانس تطلق على من تجاوزت 35 سنة
واحتياطاً نعتبر العانس من تجاوزت 30 سنة علشان ما نظلم ابو احصائية
المهم قلت شلون نوصل لرقم تقريبي
فتذكرت عدد السكان انه 18 مليون
ونسبة من تحت 30 سنة 70%
فطلع ناتج منهم فوق 30 سنة 5 مليون و400 الف
وبالطبع نصفهم نساء
يعني عدد النساء فوق 30 سنة مليونين وسبع اللي متزوجة واللي غير متزوجة ...!!!
فكيف يصبح عدد العوانس اكثر من مجموع النساء الاجمالي .؟! والله ماتقيش ياقماعة ..!!
بعدين قلت لا نشوف طريقة ثانية
فخطر في بالي عدد البيوت
ولنعتبر ان كل بيت عائلة سعودية فيه عانس
فوجدت عدد الوحدات السكنية المسكونة بسعوديين
بمختلف مسمياتها خيمة وعشة وصندقة وشقة ودور وفله مليونين وتسعمية الف بس ..!!
برضه ماتقيش ياقماعة ..!
قلت نشوف طريقة ثانية
ولنعتبر كل بيت سكني فيه كهرباء به عانس
وشركة الكهرباء تقول تغطيتها 99%
فوجدت عدد مشتركي الوحدات السكنية بالكهرباء 3 مليون ..!
بعدين خذتني الافكار
وقلت اكيد كل عائلة عندها تلفون ثابت
لذلك نعتبر كل تلفون ثابت مربوط بسلكه عانس ..!!
لقيت عدد الخطوط ثلاثة مليون واربع مية
واخيراً بعد تفكير جاب لي الصداع
تذكرت ان عندنا موقع
لمصلحة الاحصاءات العامة والمعلومات
فدخلته بشوف وش يقولون
لقيت عدد السعوديات غير المتزوجات اللواتي
المواضيع المتشابهه 
قال عدد العوانس 4 مليون قال ..!!! 
العرض الشجري
