وانا لست حاقد ضدهم ولست معهم
وانا شغلي مع اجانب واحلى تعامل معي بالاجانب عكس السعوديين بعضهم
وان كان الاجانب بعضهم يرفعون ضغطك وخاصه اذا مديرك اجنبي ويهايط
المهم الفترة الاخيرة لاحظت الاجنبي بمرتبه عليا عن السعودي
في السكن والعمل والسيارة وووالخ وهذا اللي يرفع ضغطي
الغريب موضوعي الاخير عن الاجنبي الفلبيني والسعودي والهندي راعي الاند كروزر
صاحب لوحه دلع قفل وحذف
مادري في مشرفين اجانب شغالين بالمنتدى من الفلبينيين ولا الهنود
صرت اشك بصراحه وخاصه بعد كلام احد الاعضاء يوم قال " دام موضوعك عن الاجانب سوف يقفل "
اااخ بس المصيبه اذا كان سعودي اللي قفل الموضوع
مادري ما يحس بمعاناه السعودي او انه راعي تستر وشغال مع اجانب
اشوة ان مشرف في منتدى موب في دائرة حكومية عند وزارة العمل
كان يطردني ويدخل الاجنبي ...عموماً .
قصتي مع الاجانب ما انتهت وهالمرة اقوى والله يقطع الشيطان
وتذكرت كلام الرسول ليس الشديد بالصرعة ، إنما الشديد الذي يملك نفسه عند الغضب
ولا كان وقتها صرت مكان راعي السطور :hawamer6112
المهم وانا طالع من الدوام وعلى طريق الخبر الدمام السريع
وانا ماسك الايسر وداعس 120 تقريباً
الا يجي راعي اودي مادري وش اسمها لكن شكلها غاليه
من نوعيه الصغار ورياضيه كوبيه
الاخ جاي يكبس من بعد كيلوين في البدايه صفطه قلت اذا وصل بحاول ابعد عنه
المصيبه تلزق بسيارتي من الخلف وشكله داعس فوق 150
وانا بحاول ابعد عنه لكن المصيبه زحمه السيارات اللي بجانبي
ولا اقدر اسرع اكثر من كذا عشان امشي بوضعه
المهم خلال دقيقه لقيت فرغ وطلعت يسار
وانا على نياتي اقوله هد بيدي قبل ما اشوف خشته وهو جاي
الا الاخ ابو بدله وشعره كأنه بني ويتفل علي من داخل سيارته
حسيت بقهر ما يعلمه الا الله وحسيت اني اجنبي وقتها
شفت الاهانه وانا ابن البلد المواطن
وان ولي يومين وكل ما أمر الشارع اذكر الخسيس
قلت ليش وش مسوي انا عشان يتفل
ما يحمد ربه سيارة اودي رياضيه وشغال في منصب شكله وعايش في شقه
افضل من شقق السعوديين لا وتحصله مدفوعه من الشركة وبالاخير يجلس يتفل على السعودي
اتمنى من فرع وزارة العمل هنا والمتسترين للاجانب عدم الرد بالموضوع
عطونت نعبر احنا الوافدين لكم هههههههههههه
اعتبرونا اجانب
المواضيع المتشابهه 
أجـنـبـي يـتـفـل عـلـي وهـو بـسـيـارتـه .! 
العرض الشجري
