الي بيشتري شقه تحت الانشاء او صكها مو جاهز
العقد تأكد من تسجيل كافه البينات من تشطيب وضمان ومساحه وموقف وخزان وغرفه حارس في العقد واذا رحت للشيخ افراغ اذا فيه نقص لا تسكت وبلغ الشيخ وحقك بتاخذه من فوق خشمه وتأكد انك بتاخذه مضاعف.( تأكد من وضع الختم وتوقيع على كافه الاوراق بما فيها اوراق الموصفات والتشطيب ).
2- تأكد من نوعيه المواد المستخدمه من بلاط ورخام وسرميك بعض انواع الرخام تكون زديئه حتى مع الجلي لا تعطي المعه الرخام كل مازادت حده المعه زاد فخامته وجودته.
3-المواد المستخدمه داخل المنزل مواد صحيه وشبابيك وافياش اذا شفت ان البائع متجه للرخيص اعرف ان ماعنده ذمه اتركه وامشي بالاضافه للخزان العلوي والسفلي تأكد من حجم الخزان وعزله وارضيته اي خزان علوي ملون اعرف انه رخيص الخزنات الفيبر دائم ابيض فالماء لا يصلح وضعه مع الوان فقط لون الفيبر الاصلي ايضا تأكد من الدينمو ونوعيته وحجم الخزان يكون مناسب ولا تراك كل يوم بتجيب وايت وابعد عن الي خزانها مشترك لان بعض الجيران راح يطنشوك عشان تدفع .
4-تأكد من البلاط وشغل المبلط خالي من التشققات والترويبه مناسبه وبعيد عن التلطيش وشغل ابو سريع .
(تأكد من العزل للبلاط للحمام خصوصا الشقه الي فوقك لان بكره راح تلاقي المويه مخرج لها من شقتك )
5- تأكد من متانه الجدران وقوه العزل بالخبط بيدك واذا سمعت صدا او حتى خل احد يصيح وانت برا اذا الاصوات واصله برا صدقني بكره اذا عطست جارك بيقول ارحمك الله .
6-تأكد من توصيلات المكيفات الاسبليت تكون ذات جوده وموقعها مناسب بعض الاغبياء توصيله الاسبليت بطرف باب او جدر واذا جيت تركب المكيف ضروري يكون السلك بالوسط وبكذا تضطر تكسر من جديد .
7-ابتعد عن العمائر الي شققها كثير يعني شقتين بالدور افضل عدد لان بالنهايه بتلاقي ناس ترفض تدفع ريال حتى للحارس واذا لم تحضر حارس رمو مخلفاتهم على المدخل .
8-تأكد من وضوح العقد البيع ولا تخلي فيه لبس والي مايعجبك اطلب تعديله او الغي البيعه مهما كانت مغريه لان ماكبر روسهم الا الاغبياء وتأكد من اخذ صوره لهويه المالك والمكتب واي وكاله وتأكد من قراءه النص كامل . ( صور الهويه خليه يوقع عليها ويخط الختم والتاريخ )
9- تأكد من الاناره والاسلاك الكهربائيه ووجود تهويه كافيه للمطبخ وتجنب المطابخ المفتوحه (الامريكيه) لانها يسونها لاستغلال المساحه وتضيق عليك .
10- حجم الشبابيك يكون مناسب وابتعد عن الشبابيك الصغيره ايضا حجم مدخل العماره كل ما كان اكبر كان اشرح للصدر في الدخله والطلعه .
11- حجم المصعد يجب ان يكون كبير المصاعد الصغيره رخيصه وسيئه واي احد يحطها عشان يوفر وتاكد ان ماعنده مساحه كافيه والشقق مساحاتها سيئه
12-انتشار الكذب والتدليس بين مسوقين العقار يقولك حنا موصفاتنا وعندنا عمائر وممكن يوريك عماره هو يقوم بتسويقها ذات جوده عاليه ويقولك هذي نفسها بس التفصيل غير
وهو بالاساس مايملكها مجرد عماره يبنيها شخص وهم يسوقونها وياخذون عموله .( الي تحت الانشاء راح تكون مختلفه تماما ) باختصار شغل زباله
13- اساسات العماره كميه الحديد والاسمنت وعدد الاعمده وسمكها ونوعيه البلك احمر اسمنتي تكون مسجله في ورقه التشطيب وتاخذ راي استشاري 500 ريال تجيبه للموقع يكشفلك على العماره اذا كانت جاهزه واذا تحت الانشاء تخليه يطلع على الموصفات ويعطيك رايه وتخليهم يوقعون ويختمون على الموصفات وتحط شرط جزائي اذا لم تنفذ الموصفات يدفعون لك 100 الف مثلا .
14- ارضيه بلاط المواقف تكون صبه تحت البلاط بس الغشاشين يحطون تراب ونقطتين سمنت ويقمون بعمليه الترويب وبعد فتره بلاط متقشع ومناظر قبيحه .
15- البويه تأكد انها نوعيه جيده اصلا اسهل شي البويه اذا مغشوش يبان انها بويه ابو كلب اذا نوعيه كويسه تأكد ان صدرك بينشرح للشقه من منظر وجوده البويه راجع احساسك هههههه
16- احذر من مماطله البائع في استخراج الصك فالصك لا ياخذ اكثر من شهر ابحث المشاكل للعماره في الامانه او الكهرباء وجمع جيرانك وارفع قضيه عليه اذا تأخر اكثر من شهر.
17- بالنسبه لمشاكل الضمان والعيوب راجع الاماره فيه مكتب خاص للبلاغ ضد اصحاب عمائر التمليك الي مايلتزمون بضمانتهم بيسحبونه بشكل سريع ويحققون معه وبيلزمونه بالعقد وهو مايشوف الدرب .
18- اللي يبي يتشري ملحق لازم ينتبه ان ليس هناك مخالفه في البناء اذا قال لك البائع ان بقية السطح للمشتري فهذا غير صحيح لان السطح والدرج وجميع منافع العماره مشاعه بين الملاك يمكن يقول اكتب لك ورقه فهذا تحايل منه لكي يبيع ويقبض المبلغ بعدها لو جاك جيرانك وقالوا نبغى السطح راح ياخذونه من بين يديك بالنظام والشرع قد يكون هناك بعض التحايل من البائع يقول لك السطح المشاع هو سطح الملحق هذا غير صحيح لازم يذكر كل شي في الصك او اصرف النظر عن الشراء.
في الختام نصيحه عدم الشراء بالوقت الحالي للتلاعب بالاسعار وفرض نسبه 30% على القروض العقاريه واحذر من تحايل البنوك عليها وكذب موظف البنك في النسبه- + انخفاض سعر الحديد تقريبا لنصف السعر السابق + مشاريع الاسكان وتعديل شروط صندوق التنميه فيه تصحيح لسعر العقار بس بيكون تدريجي وصدقوني اكثر ناس تحب الظلم والخداع وتحترف الغش هم الي شغالين في شقق التمليك والفلل ولا نخص احد.
وشكرا للجميع ..
منقووول للفائدة
المواضيع المتشابهه 
لحظة من فضلك إقرأ قبل شراء شقة . 
العرض المتطور
