تكفون اصحاب التطبيل واصحاب طبق البيض الغالي والأمن والامان
لايدخلون الموضوع
وايضاً لا انسى اصحاب اللي بيته ملك مساحته فوق 1000 متر وسيارة مرسيدس
وراتبه فوق 15 الف ريال وان كان بعضهم فيهم الاحساس للمواطن فهولاء مرحب فيهم بالموضوع
وترا انا ما قلت شي غلط ولا بتخلى عن الجنسيه يعني بكفر
مثل ما يعتقد البعض يجوك طاقين الطبلون ويقول تترك الحرمين الشريفين
ليش الجنسيه مرتبطه بالحرمين !! ياخي اذا الحج الاجنبي حجه اوفر من حجنا الداخلي
وصدق الحج لمن استطاع اليه سبيلا
عموماً موضوعي ذكرته قبل فترة اني ابحث عن الجنسيه القطرية
وابحث عن حياة هنيئه وجميله لانه العمر راح والوضع يحتاج فكر
والله اقولها فكر موب طقطقه في وزير الاسكان لكن جد تحتاج تفكير
مابقى شي من العمر شوي وبدخل 30 سنه ولا تزوجت والراتب مايكفي الحاجه
والوضع الداخلي من العيشه غاليه والوظايف ما تساعد للارتقاء للافضل
واغلب الشعب على القطاع الخاص لا مكرمات ملكيه ولا اجازات
واغلب الوظايف واسطات في جميع القطاعات حتى الحكومية
والعمل في القطاع الخاص كأنك من شخصية عدنان في طاش ما طاش
وفوق كذا تحت رحمه الاجنبي ودوام 8 ساعات وكرف واجازة يوم
وبالاخير اذا تزوجت بتسكن في جحر ضب غرفتين وحمام وايجار فوق 20 الف
قلت ابحث عن جنسيه اخرى وكما سمعت وشاهد بعيني قوة الجنسيه القطرية للمواطن لديهم
وعرفت على احد المواطنين قطري الجنسيه لكن امه سعودية
يحمل الدبلوم ويعمل في كول سنتر في احد البنوك القطرية يقول راتبه يوصل 13 بدون الحوافز
فما بالكم هالوظيفه عدنا لاصحاب الثانوي بالغالب وراتبها من 3 ونص الى 4 ونص
والمصيبه تحاول تبحث عن اصحاب الدبلوم ايضاً عشان تضيع حياتهم في هالوظايف الضعيفة وبنفس راتب الثانوي
حتى احد المواطنين السعوديين هناك اعرفه عرض عليه الجنسيه وهو يعمل في قناة بين سبورت الرياضيه
لكن رفض قال اللي اشوفه بدون جنسيه كبير وهو سكن وسيارة وحوافز وافضل عيشه
قال ما تفرق معي غيرتها او لا خلها كذا وهالكلام قبل سحب السفراء
المهم نرجع لخوينا القطري من ام سعودية يقول اول تقدر تغير الجنسيه
لكن بعد سالفه سحب سفراء السعودية والبحرين والامارات اصبح الوضع صعب
قلت طيب والحل قال ما في حل الا تتخلى عن الجنسيه لكن اكيد موب سهله
وليس بالكلام يعني ما تروح عندهم وتقول بتخلى عن الجنسيه
يجي البعض منكم يقول الدولة موب ميته عليك ومادري ايش
طيب ادري موب ميته علي لكن انت وش تبي مسوي فيها
المهم قال اذا تفكر تتخلى عن الجنسيه ذيك الساعه اوصل موضوعك لواحد
من شيوخ قطر ساكن في لندن ومحبوب لدى الشعب وهو يكمل بالاجراءات
غير كذا ما يقدر ومشاكل تصير
الحين سؤالي كيف اتخلى عن الجنسيه بكل سهولة وبدون تحقيق
ترا خروج فرد لا يؤثر لديكم
اعتبروني اجنبي وطلع بفيزا خروج نهائي
والله اكلمكم من جد لأحد ياخذ الموضوع بـ استهبال ولا مسوي فيها انا الوطني
لانه مايمدح السوق الا من ربح فيه
المواضيع المتشابهه 
كــيــف اتــخــلــى عــن الــجــنــســيــة الــســعــوديــة .!! 
العرض الشجري
