السلام عليكم ورحمه الله وبركاته أدري الكثير شده عنوان الموضوع وفعلا هذا اللي حصل ليله البارح كان بيني وبين أحد الزملاء اتصال وللأمانة لي فترة طويلة مازرته ولا زراني يمكن حدود سنه ونصف ولكن كان بيننا اتصال متقطع يعني كل شهرين .. الشاهد يا أخوان ان الرجال عزمني وحضرت عنده البارح وكانت على عشاء اللي حصل والله ياجماعة الخير ان هذا اللي حصل ان الرجال خلى المدام تجي وتجلس معنا بالمجلس وتسولف وهي تصب الشاهي والقهوة طبعاً متحجبة يعني غطاء على شعرها وكاشفه وجهها !! والله اني تغيرت علومي وسوالفي مع خويي تلخبطت وصرت مااش اذب خيط وخيط هههههههههههه تلخبطت أموري .. منصدم من اللي حصل ومنحرج قسم بالله وخويي عزيز علي جدا وسنين انا وياه بس ماكنت متوقع يصير هالشي منه طبعا الرجال يعني عقليته متفتحة ويسافر برا كثير وشغال بشركة خاصة مرموقة ووضعه المادي جدا ممتاز ماشاء الله عليه والله يزيده من فضله يعني مثل مايقولون عنده انفتاح طبعا هذا علمي به قبل بس ماكنت متوقع انها توصل كذا لأنه ابن ناس وعائلة معروفة . طبعا انا سلكت الموضوع ومشيتها وتعشينا وبعد العشاء مشيت وانا مصدوم من اللي حصل ومرات بيني وبين نفسي اقول الرجال واثق بالمدام وهي والله انها محترمة وسوالفها ناضجة ومثقفة بعد ماشاء الله عليها الله يهنيها ويسعدها بس الحين انا حسيت اني منحرج من خويي وش السواه يالربع أفاتحه بالموضوع او اسكت ؟؟ احد منكم مر بهذا الموقف ؟؟ أفيدونا بارك الله فيكم
المواضيع المتشابهه 
عزمني صاحبي وخلى زوجته تجلس معنا !! 
العرض الشجري
