اشاهد احنا السعوديين بالغالب اذا فكر يتزوج الشخص ياخذ بنت عمه ولا بنت خاله وهكذا
وكأنه يقول بالمضمون وهذا خطأ في نظري بفسرة بعد شوي
وبعض القبايل مستحيل الزوج ياخذ من قبيلة اخرى
وان كانت هالقبيلة بنفس المنطقه عموماً هذة نفسياتهم وعاداتهم
يعني بن فلان لازم ياخذ بنت فلان وبن علان لازم ياخذ بنت علان
لكن اتكلم بشكل عام السعوديين عندهم فكرة زواج الاقارب بكثرة
انا خواتي جميعهم تزوجوا من عوايل من نفس اصلنا يعني من نفس منطقتنا
وعايشين حياتهم أي لم يتزوجوا من اقاربنا
واعرف ناس تزوجوا من اقارب ما يمر يوم الا وهو متهاوش مع مرته
اكيد موب كل الناس اللي متزوجين من اقارب
لكن اشوف انا زواج الاقارب سلبياته اكثر من ايجابياته
صحيح معرفتك لأهل البنت والبنت واخلاقها بشكل اكثر
لكن مشكلته كثيرة وهي قرب البنت لأهلك وخاصه اذا كانت البنت قريبه
لأمك ولا لابوك او تكون قريبه من الدرجه الثاني اي امك تكون لامها بنات عم وهكذا
يعني اذا زعلت بتزعل امها وبتزعل عليها امك ولا ابوك وابوها
وبتصير مشاكل عائلية
وفوق كذا بعض البنات يلعبون بذيلهم في اي مشكله توصلها لأمك لحلها
والعكس صحيح لدى الرجال وهذا اكثر مشاكل الزوجيه
ولايكون كأنك زوج عايش حايتك الخاصة واسرار البيت ما تطلع للخارج
انا بصراحه طرح علي بالفترة الاخيرة من اهلي الزواج من اقارب الدرجة الثانية
ورفضت ذالك رغم ان البنات اللي حطوا عليهم الخيار بنات على خلق ودين وجمال وتعليم
لكن لخوفي من المشاكل ما بعد الزواج رفضت وفضلت الزواج من العوايل الاخرى
افضل لي ولها
والزواج من الاقارب سبحان الله تشوف وجيه عيالك نسخ ولصق من خشت اقاربك
يعني ملامح نفسها مافي تطور وشكل جديد
وايضاً لا انسى زواج الاقارب سبب لأمراض وراثيه
صحيح بالتقدم الطب والفحص ما قبل الزواج تحسن الوضع
لكن يظل هذا وارد في المستقبل في اصابة عيالك
المواضيع المتشابهه 
هـــل انـــت مـــع او ضـــد زواج الاقـــارب .!! 
العرض الشجري
