اليوم ذهبت الى احدى مكاتب الاستقدام استفسر عن استقدام خادمه
بعد ما امرتني الوالدة للذهاب والاستفسار عن الاجراءات الاستقدام
المهم وانا انتظر كان بالمكتب رجل وزوجته كان كان هناك نقاش مع حق الاستقدام
المراة كل شوي تقول ابيها كبيرة لاتكون صغيرة لاتكون عزباء لاتكون جميله
شروطها كثيرة ورجلها ما غير يدربي راسه
المهم يوم راحت قلت حق الاستقدام لي بعض الناس شروطهم كذا مثل لاتكون جميله
ضحك قال هذة اغلب شروط الناس تكون غير جميله وكبيرة بالسن
قال اكثرهم يغارون على ازواجهن من الخدم حتى مرات تكون شينه
لكن بعض عملائنا يرجعون الخدامة بـ اسباب غريبة
واذا طلعت كبيرة قالوا ليش عجوز وهي عمرها حول 45 سنه
واذا طلعت ضعيفة لياقياً قالوا هذة مافيها شدة للعمل
ولا تطلع مريضه وقال ليش وليش .
طيب ليش مافي ثقه في رجالكم
واللي يسمعهم يقول مستقدمين من المغرب ولا من روسيا و اوكرانيا
ترا فلبينيه ولا اندونيسيه ولا سيرلانكيه
واذا تخافين على رجلك وتغارين عليه لاتجيبين خدامة اساساً
عشان ما يكون هناك حساسية بينكم
الغرب وبعض العرب عندهم خدم من الغرب موب شرق مثلنا
خدم جمال وطول وبياض ولا غاروا لانه يعرفون رجالهم ما يشوف الا هي اما هنا يبحثون عن الشينه
عشان ما يشوف رجلها احلى منها وبكرا تشتكي منها
وهذة اشوفها سلبية
لايجي احد يبرر يقول الصغيرة دلوعه موب رعيه شغل وووو ....ألخ
وانا اقصد بالصغيرة من 26 الى 35
نبي نشوف خلال استطلاع وبكل صراحة انت مع اي خيار
يعني لاتضحك على نفسك بالاجابة والواقع شي ثاني يكون