طبعاً قبل كل شي هالكلام ما اعمم بالتعامل للجميع الموظفين في قسم الشرطة
لاني تعاملت مع اقسام شرطة اخرى والله تحس بعضهم في قمة الاخلاق
اللي مع الاسف هذة الاخلاق تتفاجاة فيها هنا من البعض وان كان هذا هو المطلوب منهم
وهو خدمة المواطن والمقيم في هذا البلد
عموماً موضوعي هو اليوم سواقنا تعرض لسرقه في غرفته وهو موجود فيها
طعن وسرق منه جواله الخاص وبوكه وفلوسه وساعته
ويوم اتصلنا على الشرطة بعد 45 دقيقة وصلوا وسلام وعليكم السلام
" طيب خلاص خله يراجع شرطة !!! "
لا عملوا بلاغ ولا شي رغم انه عطيناهم مواصفات السيارة السارق
رحنا للشرطة ودخلنا المركز والله اللي يشوف هالمكان ابد ما يقول بالسعودية
بلد النفط وبلد التطور لو انا في قريه قلت ما عليه نمشيها
لكن في المدينة الثالثة بالسعودية وفي منطقه اكبر دولة مصدرة للنفط بالعالم
دخلت المركز البنيان الشرطة منتهي وقابل للسقوط لوحته واللي هي على لوحة حديد
الابواب مكسرة قسم الحجز تشوفه من قريب وتسمع اصوات تقول اصوات زومبي والجو حار بالداخل مافي مكيفات شغاله
وجيه العسكر نفسيتهم شينه واللي جالس على طاولته عند الاستقبال يكلمك من طرف خشمه
ويوم اقوله الموضوع يرد يرجع ويقول " هاا ايش عندك " كأني جاي اطر عندة
وكانه حاول يصرفني المهم حولني على حق موضوع السرقات
جلست في كنب واحد حاطينه برا المكتب متشقق ورايح فيها والكراسي ما حصلتها بالسيب
وبعد ساعه دخلت عليه رغم ما عندة احد داخل قبل ما ادخل
والله اعلم طلع هالشخص ملازم اول لانه شفت نجمة بس مادري كم وحدة ما ركزت
المهم هنا القصه تبداء جلس يقول وش عندكم قلت سرقه السواق وطعنه في بطنه
وسرق بوكه وساعته قال البوك كم فيه قال الهندي 70 ريال قال بس وابتسم !!
وقلتله بعد ساعته رد بكل وقاحه ليش ساعته رولكس
رديت عليه رولكس في نظرة لكن لاتحتقرة حتى لو ساعته عاديه في نظرك
المهم طلعنا من قسم الشرطة لا استفدنا شي لا رفع بلاغ السيارة ولا شي .
ليش كذا الاجراءات عندنا عكس دول الخليج وبالتحديد الامارات
خدمة الشرطة عندهم مثل الفنادق خمس نجوم والابتسامة تشوفها من الحراس الخارج قبل الداخل وقمة التواضع من الكبير قبل الصغير
المواضيع المتشابهه 
سوء مراكز الشرطة وسوء بعض موظفينهم والتعالي لديهم في التعامل مع مراجعينهم .!! 
العرض الشجري
