موضوعي شوي حساس لدى البعض
اللي نفسيه واللي عندة مشاكل خاصه معي يراجع الخاص
واذا ماعجبك الموضوع لاترد وريح نفسك واطلع منه
واذا قافله معك موضوعي بلغ الاشراف
مشاركتك بالموضوع هو دعم لمواضيعي لعلمك من حيث المشاهدة والردود للموضوع .
--
موضوعي هو الاحظ اغلب العوائل السعودية عيالهم ماشاء الله عليهم
تحصلهم اكثر من عدد فريق كرة قدم يعني بعض العوائل عندهم 8 اولاد و6 بنات ماشاء الله
من غير الام والاب طبعاً من زوجه وحدة
انا ما عندي مشكله في هذة النقطه واكيد هذا رزق من الله الابناء
وخاصه اذا كان عندة بيت ملك وعايش احلى عيشه ويقدر يعز عياله
لكن في ناس في مناطق من دون ذكر اسمها يتزوج كم وحدة وعياله متناثرين بالشوارع البيت موب مكفيهم
حتى تطرق الموضوع في برنامج mbc في اسبوع لشخص شايب يشكي الحال
لا من بيت ولا من ضعف المبلغ اللي يأتي من الضمان
وجاء المذيع يتكلم بعد نهاية التقرير وقال وش الله حدك اذا انت ما عندك القدرة المالية
لاتتزوج وتطلع ابناء بالدنيا تعذبهم مستقبلاً وتعذب نفسك فيهم
وانا ملاحظ الشعب السعودي نسبه كبيرة يخلف عيال اكثر من المعقول وبدون خطط مستقبلية
حتى بعضهم عمره تحصله 60 وتوه جايه ولد رقم 13 طيب وش ذنب الولد بكرا
لا ابوه يراقبه اذا توفاه الله ولا مستقبل يأمنه وينور طريقه .
الاجانب وبعض اخواننا الخليجيين ملاحظ عليهم ما يكثرون بالعدد مثلنا
يكون عندهم من 3 الى 6 بالكثير العيال رغم حالتهم المادية افضل واقصد بالخليج بالتحديد اما الشعب السعودي ماشاء الله العداد شغال .
سؤال طرح في بالي وارد طرحه من خلال هذا المنبر نشوف ارائكم
المواضيع المتشابهه 
ليش العوائل السعودية بالغالب العائلة تطلع بعدد فريق كرة قدم .! 
العرض الشجري
