 منذ /01-22-2016, 06:17 AM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  [____ تابعتهم لفتره بسيطه فلم أرى الا الدجه _____]
من فتره بسيطه لاتتجاوز الــست شهور فتحت لي حساب في برنامج الــــــسناب شات
وكان من ضمن الناس المضافين عندي مجموعة من الدعاه الشباب اللي توهم طالعين
فكانت اضافتي لهم بنية الاستفاده ومشاهدة يومياتهم .. والخ
تصدقون يا أخوان اني من اول يوم تابعتهم الين الان ورب العزه والجلاله اني ماطلعت
بفائده واحده !!!!!!! سماجه وملاغه بشكل ماتتخيلونه
كلاهم كله عن لاتتركون الصلاه واطيعوا والديكم فقط لاغير
والثاني منهم كل شوي منزله له سناب ويقول يا اخوان اذهبوا اوتروا
بعدها بساعه ينزل سنابه ويقولك ها اوترتوا ولا لا , تكفون تكفون اوتروا
اليوم الثاني ينزل الاخر سناب ويقولك ها صليتم الفجر ولا لا
يا أخوان تكفون علشاني روحوا توضوا وصلوا الفجر علشاني
هاذي من غير حركاتهم اللي طايحين فيها في الاونه الاخيره
كل واحد منهم يبوس خد الثاني ويقول لبى قلبك والله اني احبك في الله
وشيء من ملاغته اقسم بالله اني ماقدر اشاهد المقطع للاخير
واللي يتكلم عن الحشيش والمخدرات بطريقه مضحكه وكأنها عادي ولا فيه شيء
بحجة انهم يبي يدخل قلوب الشباب من هالباب
بل اقسم بالله انهم يتكلمون عن اللواط بطريقه انه مرحله زحف يمر بها الشاب
وكأنهم يقولون للشباب انه جريمه كل يطيح فيها !!!!
صراحة شيء يندى لها الجبين
__________________________________________
الزبده يا أخوان هؤلاء وش فائدتهم في المجتمع وهل هؤلاء ماخذين وصايه علينا
علشان كل شوي يطلع لي واحد يقول يالله روح صل علشاني !!!
ثاينا هل مافيه شيء غير الدين الا الصلاه وبر الوالدين
كلنا نعرف ان الصلاه ركن من اركان الصلاه وتاركها كافر بالاجماع
وهل بر الوالدين يخفى شباب المسلمين
او هؤلاء فقط بمجرد انه يربى لحيه ويقصر ثوبه
يصبح شيخ بل انه يدعى لندوات وملتقيات ومحاضرات !!!
ماقول الا الله يرحم بن باز وبن عثيمين
ماقول الا نسأل الله السلامه
حبيت افضفض لكم من اللي في خاطري من العينات اللي قسم بالله انهم
يدبلون الكبد ,,,,,,,,,,, وشكرا
تستطيع المشاركة هنا والرد على الموضوع ومشاركة رأيك عبر حسابك في الفيس بوك
F____ jhfujil gtjvi fsd'i tgl Hvn hgh hg][i
|
|
|  |
المواضيع المتشابهه 
العرض الشجري
