مع الاسف وانا اتابع تطبيق السناب شات بالفترة الاخير
من ناس مشاهير اما من الكويت ولا من الامارات
بعضهم فيهم خير ويحبون عمل الخير
ينزلون طلبات ناس سعوديين اللي وحدة تبي واسطه للعلاج لرجلها في مستشفى الحرس
والاخر يطلب كرسي متحرك واللي منهم يبي اخلاء طبي واللي يصور فواتير مستشفى للتأكيد
قسم بالله شي يقهر ليش الدولة ما توفر هذا للمواطن وهذا اقل شي يقدم له
وخاصه مستشفى الحرس ليش الواسطات فيه موب مستشفى لطلب العلاج
على الاقل للانسانيه لا اكثر وترا كله للدولة موب قطاع خاص
شي يقهر بصراحه واللي قهرني اكثر اعرف واحد اجنبي يقول حصلت واسطه
ودخلت ابوي للمستشفى هذا وهو اجنبي حصل واسطه واحنا ابناء الوطن ما حصلنا الواسطه
والله شي يحز في الخاطر ما عمري شفت اماراتي ولا كويتي ولا قطري يراسل سعوديين
يطلب الفزعه وايصال صوته للجهات اما طلب علاج وغيره
المصيبه ربعنا المشاهير السعوديين واقصد بالسناب مقصرين بهذا الشي
ما اذكر اني شفت واحد منهم رغم كثرتهم ماعمري شفت واحد طلع رساله لناس تطلب علاج او طلب كرسي
فالحين بالطقطقه والضحك والاستهبال على غير سنع وماغير يشفطون الفلوس من الاعلانات
ويترززون مع الامراء زي الدب ابو جفين وغيره
وترا ازعجوا امنا في الشيلات اللي ينزلونها
ياليت تطلع فتوى من ال الشيخ مثل ما حرم الشطرنج يحرم الشيلات ويريحنا منها
عموماً ليش ما يكون هالمواضيع الطلبات ترسل لحساب حكومي او يكون هناك وزارة تمسك هذة المواضيع
مثل الامارات اصبح لديها وزارة للسعادة احنا ما نبي سعادة احنا نبي علاج ومتطلبات المريض وهي اساسيات الحياه
من كرسي من خدمه خاصه من امور انسانيه وليست تكميليه
الله يعين بس
المواضيع المتشابهه 
الله لايحوجنا على احد .. صرنا نترجى اشقائنا الخليجيين لإيصال صوتنا .! 
العرض المتطور
