موضوعي شوي حساس ونيتي صافيه لايجي واحد ويقول وش تقصد ومادري ايش
ومسوي فيها كونان علي
انا فقط اريد الاستفسار او نصيحه وتكفون لاحد يقول شف فلان باليوتوب وعلان مادري وين
هذة عينات محدود جداً ما اقدر احكم عليها
المهم ارجع للموضوع يقول الله في كتابه الكريم " ادعوني استجب لكم " وايه اخرى " اذا مرضت فهو يشفين "
وهو يا شباب الوالد وهو عمرة حول 70 سنه الله يطول بعمره
قبل كم سنه اصيب في عرق النسا بسبب انه رفع رجله
الله يعزكم في دورة المياه للوضوة وبعدها شفت الوالد في موقف لايحسد عليه
في صباح اليوم الثاني من الحادثه
شفت موقف اثر فيني جداً ولن انساه طول عمري شفت الوالد يبكي ويصيح من الألم
وهو ماعمري شفته يبكي زي كذا ولا بكاء في وفاة جدتي الله يرحمها كان يبكي
اما الان يصيح صياح من الألم وانا واخواني والوالدة نحاول نهديه وودناه للمستشفى
المهم طول السنوات الماضيه وحتى الان على المسكنات والمراجعات الطويلة
من مستشفى الملك فهد الجامعي بالخبر قالوا مالك الا عمليه بالظهر
وتعرفون عملياتهم واسطات ولا فترات طويلة
والوالد رافض يسوي العملية لانه فيه سكر وضغط والعمر ايضاً يخوف لاجراء العمليات
حتى جرب الدليك والعلاج الشعبي ابد مافي بوادر شفاء للألم
عموماً ما اطول عليكم بالموضوع الوالد ماشاء الله عليه صلاة ما يتركها بالمسجد
بعكازة يروح رغم انه يتعب بكم خطوة يمشيها للمسجد رغم ان البيت مقابل المسجد
وهو اللي يفتح باب المسجد واول من يدخل وهو علاقته من اللي حوله كلهم يذكرونه بالخير
من يوم ما كان بالعمل وتولى ادارة موظفين وهو طيب لدى جميع الموظفين
اللي يستأذن عمره ما رده وعمره ما شكى عليه احد والان بعد 15 سنه يذكرونه بالخير وانه افضل من مدراء الان
والوالد ما عنده احد حامل عليه شي اما يطلبه ولا متزاعل عليه وقلبه ابيض مع الجميع
عموماً دخلت على الوالد يوم من الايام غرفته الفجر الا اشوف يطلب ربه
من قلب وهو يبكي ويدعي بخشوع ان الله يشفيه ويعافيه
وقتها فكرت بهذا الموضوع قلت ليش الله ما يتقبل دعاء
المواضيع المتشابهه 
هل الله يستجيب لدعائنا في الحياة الدنيا او فقط ترفع للأخرة 
العرض المتطور
