السلام عليكم ورحمة الله وبركاته
مساكم الله بالخير اخواني الكرام
الحقيقة أحد الزملاء معي يوم من الأيام قلت بأطلعه معي كشتة لأنه كان يسوي لي لايكات في الانستقرام على الكشتات ويقول خذني معك يوم
المهم مالكم في الطويلة أخذته معي المرة الماضية وتفاجئت فيه
يتكلم بطريقة غريبة وانا وجهي راح فيها مع ربعي واخذوني طقطقة
يسمي الشاهي = شاي
الحطب السمر = خشبات
شبة النار أو الضو = شبة الحريقة
الشعيب والبر والنفود = الصحراء
حليب الزنجبيل = الزجنبيل
التيس = الغنمة أو الخاروف !
واذا يبي الخلا يقول باروح دورة المياه !
ويوم غرز موتر واحد من الشباب قال سيارته علقت !
ثم يوم جينا نلم اغراضنا الرجال راح ركب السيارة
الحقيقة أبي أصرفه ولا عاد أبيه يطلع معي وش الحل ؟ أفيدونا
علما بأنه في كشتة خاثرة يوم الخميس بعد القادم والرجال درى عنها
المواضيع المتشابهه 
زميل لي يفشلني في البر وش الحل معه ؟ 
العرض المتطور
