انتشرت في الاونه الاخيرة اعلانات كثيرة عن خلطات لعلاج القولون كذلك عسل للقولون ومن هالاشياء وتسبب اضرار للناس والناس بس تشتري ولا تدري هل هي فعلاً صحية او لاا
يجيك بائع متجول كل شي معه و 24 ساعه واقف في الشمس او عطار واقف على باب المحل ويصيح على الزباين ويناديك تشتي عسل للقولون او علاج للقولون مجرب يالله هات 1000 ريال او 2000 ريال وابو الشباب بسرعه يصدق ويشتري ..
سؤال ابيك تسأل نفسك قبل تشتري ؟؟ الشخص اللي باعك هالخلطه او العسل او الشخص اللي سواها ماهي مكانته العلمية ؟؟ ماهي شهاداته وأبحاثه ؟ ماهو مستواه واين يعمل ..
اللي يبيعك اما تحصل بالاقامه عامل شحن وتفريغ او جاي من برى الحدود ومصحح الى هوية زائر .
قبل اسبوع توفى شخص في حائل والسبب انه شرى خلطه عسل من بائع يمني متجول ..
معلومة احب افيدكم بهاا ومتأكد منها ..
اغلب خلطات القولون ان لم تكن كلها يتم خلط معها حبوب تخفيف تهيجات القولون وحبوب تخفيف الغازات في الأمعاء وهالحبوب لو تم خلطها مع العسل سوف يبلعها الانسان ومن ثم تتعرض لضغط وحرارة من المعده وتسبب تسمم لذلك احذركم منهااااااا ويمكن تسبب سرطان للقولون او المستقيم .
السبب هو النظام الغذائي الغير صحي خصوصاً الغذاء اللي يحتوي على الزيوت المشبعه الغير قابله للهضم مما يسمح لها ان تترسب في مجرى الأمعاء الدقيقه والامعاء الغليضة ( قصب الصلاخ ) ومع زيادة الضغط والحرارة اما يصير ارتخاء في عضلات المستقيم وهذا يسبب اسهال حاد مايقدر يتحكم به اللي فيه قولون ويسبب ا لك بالمجالس او تنشد العضله ويسبب امساك ويجلس الشخص في الحمام اعزكم الله وقت زياده ...
كيف تقضى على تهيجات القولون والفرق خلال يوم واحد فقط ..
1- اشرب مويه دافئة على الريق وحبذا لو معها محلول للمعده او حبوب الفحم ( الكربون النشط ) وفائدته يسحب الترسبات اللي في المعده ويقلل الغازات ومفيد في التسمم وله فوائد كثيرة جداً ولكنه علاج فعال للقولون ..
بالمناسبه الكربون النشط يستخدم في صناعته حمض الهيدروكلوريك اللي مكتشفه العالم المسلم جابر ابن حيان ( معلومة قراتها عند البحث عنه وحبيت انقلها لكم ) .
2- اكثر من الاغذية اللي تحتوي على الالياف ودعها تكون اول غذاء لك على الصباح ومنها التفاح والخيار .. الالياف مفيده جدا جدا في عمليه الاخراج عند الانسان اعزكم الله
3- تناول وجبه تحتوي على الحديد واليود قبل النوم مره او مرتين في الأسبوع .. ( السمك ومايكون مقلي بعد )
4- عند القيام من الجلوس او النوم حاول انك ماتستخدم ايديك في المساعده على النهوض والسبب هو تحريك عضلات البطن وتقويتها ..
5- ابتعد قدر المستطاع عن مطاعم الوجبات السريعه او المشويات لأنها تحتوي على زيوت مشبعه وبهارات مكثفة لتغيير الطعم ..
وصدقني بعدها راح تنسى شي اسمه قولون مثلي ....
تعددت مسميات القولون هضمي وعصبي ومن هالكلام والمرض واحد وعلاجة واضح حركة ونظام غذاء صحي وراح تلاحظ الفرق ..
اغلب المعلومات اخذتها من استشاريين وبحث بالانترنت والحمد لله
لايوجد شي اسمه خلطة قولون او عسل قولون ,,, اللي يقول استخدم عشبة ام ارطاء واللي يقول عليك بمرقة كراع عنز محسحس واللي يقول عليك باليانسون واللي يقول خلطة ام صالح وووو الخ
اتبع النصائح الخمس اللي فوق وراح تلاحظ الفرق خلال يوم واحد
المواضيع المتشابهه 
خلطه جبارة لعلاج القولون --- 
العرض الشجري
