ياخوان الوضع اللي صاير في البلد ماينسكت عليه . خلال كل سنه تمر علينا عندنا تقريبا من 8 الى 9 شهور المكيفات تشتغل فيها دائما واكيد كلنا احتجنا صيانة مكيفات الشباك والسبلت من غسيل وتنظيف ( وفريون ) وطبعا هنا مربط الفرس والسرقه الدسمه لهؤلاء العماله .
قبل ايام جبت عامل عشان يشوف السبلت ينقط ماء ومثلج فقال لي يحتاج فقط تنظيف وفك الوحده الداخليه وقال لي 250 ريال انظف واضبطه لك وارجعه سليم وجاني بعد 3 ايام وركب المكيف وشغلته واكتشف ان الريش لاتتحرك لتوزيع الهواء مع انها كانت تشتغل والمكيف حار لايبرد فقال باصلحها لك مجانا طبعا لانها هو اللي خربها في المحل لكن بدون مايعترف يعني يبغى يتجمل علي :hawamer6912
ولكن قال يحتاج فريون وقال 250 ريال زيادة فريون امريكي هنيويل في مدة 3 دقائق تقريبا الوقت اللي اخذه لزيادة الفريون .
طيب المصيبه الان ان الدبة هنيويل امريكي اصلي قيمتها لاتتجاوز 350 ريال وتعبي منها على ماسمعت 15 مكيف بطريقة التزويد عند النقص
يعني 250*15 =3750 ريال يعني ارباحهم في الفريون 10 اضعاف قيمة الدبه
يعني هذي تسمى سرقه في وضح النهار وبموافقة وزارة التجارة اللي ساكته على هالوضع المزري والمؤسف لحال الشعب مع هالعماله النصابه عيني عينك
طبعا العامل الباكستاني انا قلت له الدبه قيمتها 350 ريال في السوق
تدرون ايش رد علي الباكستاني بعين قويه : يقول انا اتفقت معاك 250 ريال وحتى لو الدبه بالسوق ب 100 ريال هذا اتفاق بيني وبينك ولازم تدفع يعني هو متكي على نظام السوق عرض وطلب والمهنه محتكره منه ومن ربعه الباكستانين ولو اطرده واجيب غيره فحيكون نفس المبلغ او ينقص شوي لكن جميعهم متفقين على مبدأ سرقتنا بموافقة وسكوت وزارتنا الموقره ..
المفروض اقل مايعمل تسعيره ثابته من التجاره للصيانات الثابته للمكيف
تعبئة فريون بمبلغ محدد 50 ريال فقط
تنظيف مكيف شباك 50 ريال وسبلت 80 ريال
تغيير كباسيتور 50 ريال
نقل مكيف من بيت الى بيت 100 ريال وهكذا ...............
............................................................ ..................
انتظر ارائكم جميعا ياخوان لان التكييف في بلدنا اهميته كبيرة لنا في اجوائنا الحاره وايضا انا ولله الحمد مايضرني ادفع 500 ريال صيانه اللهم لك الحمد لكن ايش يعمل اللي على قد حاله ومستأجر يلاقيها من ولا منين لاهو يقدر يستغني عن التكييف ولا بيقدر يدفع مبلغ وقدره في سرقة الصيانه
المواضيع المتشابهه 
العماله الباكستانيه وصيانة المكيفات ... الحل 
العرض العادي
