اشوف السعوديين طاحوا في الشيلات بكثرة بالفترة الاخيرة حتى وصلت اصواتهم لدول خليجيه وعربيه
وليس أي شيلات بل شيلات قبلية يجلس صاحبها يطبل في قبيلته
يحسسك انه قبيلته ملائكه وهم العرب وهم أهل الجزيرة واحنا القبايل الثانية ولا شي قدامهم
واخر يحسسك انه قبيلته هم الرجال النخوة وهم كل شي بالبلد وافعالهم واصله للقمر
انا ما علي منهم يطبلون لكن يبالغون في التطبيل بشكل مبالغ
وكأنه ابد قبيلتهم كلهم فيها الخير
ولو واحد منهم طالب في عتق رقبته كان ما شفت الا غبارهم ولا فزعوا له
انا اشوف هذة كلها تسبب حساسيات لدى القبايل
حتى صارت لبعضهم مناظرة كل واحد يطبل لقبيلته .
مادري حسيت نفسي رجعنا للجاهلية بتصرفاتهم
انا الحمدلله اسم قبيلتي موب مسجل في بطاقتي
ولا فكرت اني اتابع شيلات تتبع لقبيلتي
او اجلس اهايط في قبيلتي
والشي الاخر شيلات لشخصيات اما ملك ولا ولي العهد او ولي ولي عهد او مسؤول او وزير او فنان طبعاً للبحث عن الشهرة والشرهات
مثلاً من يوم ما مسك الملك سلمان الحكم طلع واحد شيله يطبل فيه
رفعه للسما وهو توه ما كمل اسبوع
ربعنا ياحبهم للنفاق العلني قدام الناس من نفاق وتطبيل وهياط
عكس الدول الخليجيه الاخرى وحتى العربية
اما بالواقع ولا شي
وعلى فكرة اغلب حقين الشيلات تحصل شهادته ولا ثانوي
وبعد ما طلعوا هالشيلات اغلبهم يحضر مناسبات لكبار الشخصيات ولا المسؤولين بعد ما دهنو سيره
حتى استغربت مره وانا اشاهد صور في احد اعراس الاسرة الحاكمة واحد من حقين الشيلات عازمينه وهو بالسابق تحصله درباوي
المواضيع المتشابهه 
الشيلات القبلية اصبحت هياط وعنصريه وتجارة وفوق كذا تعطيك من الشرهات .! 
العرض الشجري
